«وسكەمەن-گلۋبوكوە اۋدانى - شەمونايحا - التاي قالاسى جانە ريددەر قالاسى - ۇلكەن نارىن اۋدانى جانە قاتون-قاراعاي اۋدانى» باعىتى بويىنشا ۇشىپ ءوتۋ بارىسىندا وزەندەردە مۇزدىڭ اشىلۋى بايقالادى, سۋدىڭ جاعالاۋدان شىعۋى بايقالمايدى, بوگەۋ قۇبىلىستارى مەن جاعالاۋ اۋماقتارىن سۋ باسۋ بايقالمايدى.
جوعارى اتالعان اۋداندار بويىنشا جاعداي تۇراقتى. كوكتەمگى كەزەڭدەگى تج الدىن الۋعا جانە جويۋعا 55 مىڭ دانا قاپ, 6000 توننادان استام ينەرتتى ماتەريالدار, 406 توننا ججم دايىندالدى. تەحنيكا مەن موتوپومپالار ازىرلىككە كەلتىرىلدى, ەۆاكۋاتسيالىق پۋنكتتەر دايىندالدى, وندا ۋاقىتشا بولۋ ءۇشىن جاعداي جاسالعان, قاجەتتى شارتتار جاسالعان. 368 مىڭنان استام تەكشە مەتر سۋ شىعارىلدى. 448 كم ارىق پەن 72 ارىق, 447 كوپىر تازارتىلدى.
2024 جىلعى 1-2 ساۋىردە اۋا تەمپەراتۋراسىنىڭ وڭ بولۋىنا بايلانىستى قاردىڭ قارقىندى ەرۋى, مۇز قۇبىلىستارىنىڭ السىرەۋى كۇتىلەدى.
سۋ تاسقىنى جاعدايى ناشارلاعان جاعدايدا وبلىستا 2270 ادام, 732 بىرلىك تەحنيكا مەن 234 موتوپومپا, 61 بىرلىك ءجۇزۋ قۇرالدارى توپتاستىرىلادى. تۇرعىن ۇيلەردى سۋ باسقان جاعدايدا حالىقتى ورنالاستىرۋ ءۇشىن سىيىمدىلىعى 17 600 ادامدى قۇرايتىن 153 ۋاقىتشا ورنالاستىرۋ پۋنكتى دايىندالدى.
وبلىس اۋماعىنداعى قار جابىنى بۇگىندە 70 پايىزدان استى.
