فوتو: kaz.orda.kz
بۇل جولى قايرات ساتىبالدى ۇلى قىلمىستىق جولمەن الىنعان اقشانى زاڭداستىرۋ (جىلىستاتۋ) ءۇشىن ايىپتالىپ وتىر. دەگەنمەن, قايرات ساتىبالدى ۇلىنىڭ ءوزى سوت زالىندا جوق. ول پروتسەسكە ونلاين قوسىلۋى كەرەك ەدى, بىراق تەحنيكالىق اقاۋلارعا بايلانىستى بۇل مۇمكىن بولمادى. وسىعان بايلانىستى سوت پروتسەسى كۇتپەگەن جەردەن توقتاتىلىپ, ءۇزىلىس جاريالاندى.
ايتا كەتەيىك, قايرات ساتىبالدى ۇلى قىلمىستىق كودەكستىڭ بىرقاتار بابى بويىنشا قىلمىستىق ءىس قوزعالىپ, كىنالى دەپ تانىلعان بولاتىن. سوت ۇكىمىنە ساي ونىڭ مۇلكى تاركىلەنىپ, 10 جىل مەرزىمگە مەملەكەتتىك قىزمەتتە جانە ۇلتتىق كومپانيالاردا لاۋازىمداردى اتقارۋ قۇقىعىنان ايىرۋ جانە التى جىلعا باس بوستاندىعىنان ايىرۋ جازاسى كەسىلدى. دالەلدەنگەن ايىپتاردىڭ ىشىندە «قازاقتەلەكوم» اق-عا 12 ميلليارد تەڭگەدەن استام سوماعا ماتەريالدىق شىعىن كەلتىرۋ جانە «كولىككە قىزمەت كورسەتۋ ورتالىعى» اق مۇلكىن جىمقىرۋ فاكتىلەرى بار.
