قايىرىمدىلىق قاعيدالارى: گۋمانيتارلىق كومەك

سىرتقى ىستەر مينيسترلىگى جانىنداعى «قازاقستان حالىقارالىق دامۋ اگەنتتىگى» (KazAID) كوممەرتسيالىق ەمەس اكتسيونەرلىك قوعامى ۇسىنعان دەرەك بويىنشا, 2021 جىلى قازاقستان 13,9 ملن دوللاردىڭ گۋمانيتارلىق كومەگىن كورسەتكەن. كومەكتى قابىلداۋشى ەلدەر – قىرعىزستان, تاجىكستان جانە اۋعانستان. ال 2022 جىلى 23,4 ملن دوللاردىڭ گۋمانيتارلىق كومەگىن پاكىستان, ۋكراينا, قىرعىزستان, تاجىكستان جانە اۋعانستان ەلدەرىنە جولداعان. 2023 جىلدىڭ قاڭتارىنان قىركۇيەك ايىنا دەيىن 62,7 ملن دوللاردىڭ گۋمانيتارلىق كومەگى پاكىستان, تۇركيا, سيريا, تاجىكستان جانە اۋعانستان ەلدەرىنە جونەلتىلگەن.

2023 جىلعى 6 اقپان كۇنى تۇركيادا ەپيتسەنترى كاحرامانماراش پروۆينتسياسىنىڭ پازاردجيك اۋدانىندا 7 بالدان اساتىن ەكى رەت جەر سىلكىندى. ودان كەيىنگى جۇزدەگەن دۇمپۋلەر ەلدىڭ 11 پروۆينتسياسىندا جانە سيريا سەكىلدى كورشى مەملەكەتتەردە دە سەزىلدى. مەملەكەت باسشىسى قاسىم-جومارت توقاەۆتىڭ تاپسىرماسى بويىنشا ەلىمىز ۇكىمەتى جويقىن جەر سىلكىنىسىنەن زارداپ شەككەن سيريا حالقىنا گۋمانيتارلىق كومەك جاسادى, تۇركيا رەسپۋبليكاسىنا كومەك رەتىندە 1 ملن دوللار ءبولدى. ەل تۇرعىندارى تۇركياداعى جويقىن ءزىلزالادان زارداپ شەككەندەرگە 3,6 ملن دوللاردان استام قاراجات جيناپ بەردى. مۇنىمەن قوسا, ەلىمىز اپات ايماعىنداعى تۇرعىنداردى ىزدەستىرۋ جانە جەدەل-قۇتقارۋ جۇمىستارى ءۇشىن ەلىمىزدىڭ توتەنشە جاعدايلار مينيسترلىگىنىڭ جەدەل توبى تۇركياعا اتتاندى.

سىرتقى ىستەر مينيسترلىگىنىڭ رەسمي وكىلى ايبەك سمادياروۆتىڭ ايتۋىنشا, وتكەن جىلى ەلىمىز اۋعان حالقىنا گۋمانيتارلىق كومەك كورسەتۋ بويىنشا العان ۇلتتىق مىندەتتەمەلەرىن تولىق جۇزەگە اسىردى. 2023 جىلى ساۋىردە قازاقستان اۋعانستانعا ءدارى-دارمەك پەن ازىق-ت ۇلىكتەن قۇرالعان گۋمانيتارلىق جۇك جەتكىزدى. سونىمەن قاتار قازان ايىندا اۋعانستاننىڭ باتىسىنداعى ءزىلزالادان زارداپ شەككەن حالىققا گۋمانيتارلىق كومەكتىڭ العاشقى لەگىن جەتكىزگەن ارنايى ۇشاق گەرات اۋەجايىنا قوندى. سول كەزدە قازاقستاننان اۋعانستانعا تاعى 27 ۆاگون گۋمانيتارلىق جۇك جونەلتىلدى.

ال 2023 جىلدىڭ قاراشا ايىندا مەملەكەت باسشىسىنىڭ تاپسىرماسى بويىنشا ەلىمىز پالەستينا حالقىنا گۋمانيتارلىق كومەك جىبەردى. جەلتوقسان ايىندا قازاقستان پالەستيناعا بولگەن گۋمانيتارلىق كومەك – مەملەكەتتىڭ ماتەريالدىق قورىنان ازىق-ت ۇلىك, كورپە-جاستىق, سونداي-اق «سك-فارماتسيا» جشس-دان ءدارى-دارمەك پەن مەديتسينالىق بۇيىمدار تيەلگەن ۇشاق مىسىرعا بارىپ قوندى.

بۇدان بولەك, بىلتىر قازاقستان تاجىكستانعا 5 مىڭ توننا مازۋتتى گۋمانيتارلىق كومەك رەتىندە بەردى. ال بيىل ناۋرىز ايىندا قازاقستاننىڭ تاجىكستان رەسپۋبليكاسىنداعى توتەنشە جانە وكىلەتتى ەلشىسى ءۋاليحان تورەحانوۆ تاجىكستان رەسپۋبليكاسىنىڭ ۇكىمەتى جانىنداعى مەملەكەتتىك ماتەريالدىق رەزەرۆتەر اگەنتتىگى ديرەكتورىنىڭ ورىنباسارى سوحيبجون زيودۋللوەۆكە 15 مىڭ توننا مازۋت سەرتيفيكاتىن سالتاناتتى تۇردە تابىس ەتتى.

جاقىندا قىرعىز رەسپۋبليكاسىنا قازاقستاننىڭ گۋمانيتارلىق جۇگى تاپسىرىلدى. گۋمانيتارلىق كومەك پرەزيدەنت قاسىم-جومارت توقاەۆتىڭ تاپسىرماسىنا سايكەس, سونداي-اق KazAID قازاقستاندىق حالىقارالىق دامۋ اگەنتتىگىنىڭ قولداۋىمەن كورسەتىلدى.