ەۆاكۋاتسيالاۋ شارالارى ءالى جالعاساتىن سياقتى. ويتكەنى, ۇلىتاۋ جاقتان كەلىپ جاتقان سۋدىڭ ارىنى باسەڭدەر ەمەس. تاسقىن سۋدان زارداپ شەككەن حالىقتىڭ ءبىرازى ارقالىق, قوستانايداعى جاقىن تۋىستارىنىڭ ۇيىنە بارىپ تۇرۋدى قالاعان. قالعاندارى بالا-شاعاسىمەن بىرگە تورعايداعى ەكى ەۆاكۋتسيا ورتالىعىن پانالاپ وتىر. ولارعا اۋداندىق جاستار رەسۋرستىق ورتالىعى جانىنان قۇرىلعان ۆولونتەرلەر شتابىنىڭ ەرىكتىلەرى قۇراق ۇشىپ قىزمەت كورسەتىپ ءجۇر.
ء«بىزدىڭ ەرىكتىلەر شتابىندا 300-گە جاقىن ۆولونتەر جۇمىس ىستەپ جاتىر. كەشە استانا, پاۆلودار, قوستاناي قالاسىنان گۋمانيتارلىق كومەك كەلدى. ءبىز سونى سۇرىپتاپ, رەتتەپ سۋ تاسقىنىنان زارداپ شەككەن حالىققا تاراتىپ بەرىپ جاتىرمىز. كولقامىس, كوكالات اۋىلدارىنان كەلگەن تۇرعىندار تورعايداعى ش. ءۋاليحانوۆ اتىنداعى مەكتەپ-ينتەرناتتا, جاركول اۋىلىنىڭ تۇرعىندارى جەرگىلىكتى كوللەدج عيماراتىنا ورنالاستى. مۇنىڭ سىرتىندا, دەنە شىنىقتىرۋ-ساۋىقتىرۋ كەشەنىندە 200 ورىن دايىنداپ قويدىق.
قازىر سول كىسىلەردى ازىق-ت ۇلىك, كيىم-كەشەك, ءدارى-دارمەكپەن قامتاماسىز ەتىپ جاتىرمىز. مۇنىڭ سىرتىندا, تاسقىننان قاۋىپ ءتونىپ تۇرعان ەلدى مەكەندەرگە كۇرەك, قولعاپ, قاپ, رەزەڭكە ەتىك, ش ۇلىق تاسيمىز. اسىرەسە, وسى ەلدىڭ سىرتتا جۇرگەن ازاماتتارىنىڭ كومەگى زور. ءبارى جابىلىپ, كومەك جىبەرىپ جاتىر. قازىر بىزدە ازىق-ت ۇلىك جەتكىلىكتى, كەرەگى - رەزەڭكە ەتىك, قولعاپ», دەدى اۋداندىق جاستار رەسۋرستىق ورتالىعىنىڭ ديرەكتورى ەرلىك قۋانىش ۇلى.
