ول الدىمەن «قازاق نەگە قاتىگەزدەنىپ بارادى؟ قانىپەزەرلەر قايدان شىعىپ جاتىر؟» دەگەن ساۋالدارعا جاۋاپ ىزدەگەن.
«قۇداي بەتىن اۋلاق قىلسىن!
مۇنىڭ ءبارى - ءبىزدىڭ ويلىلارىمىز ايتىپ, ساقتاندىرىپ جۇرگەن جاھاندانۋدىڭ كورىنىسى. جۇرتتىڭ ءبارىن بىردەي تەگىس كىنالاۋدان اۋلاقپىن, بىراق بەسىك جىرىن ەستىمەي ءوسۋ, انا ءتىلىن بىلمەۋ, ۇلتتىق سالت-داستۇرگە, تيىم-نانىمدارعا پىسقىرماۋ, قازاقى قاسيەتتەرگە مۇرنىن ءشۇيىرۋ, اتا-بابانىڭ وسيەت-ءمورالىن مەنسىنبەۋ, ءوز ەلىڭنىڭ اسىلىن, وزىعىن باعالاماي, باسقا ەلدىڭ جاسىعى مەن توزىعىنا تابىنۋ - جاھاندانۋدىڭ ەڭ جاعىمسىز, زياندى جاقتارى. بۇعان اباي اتامىز ايتقان «5 نارسەنى» بىلمەۋدى, بارلىق پەن بايلىقتى كوتەرە الماۋ, داڭعويلىق, ماقتانشاقتىق, اشكوز قاناعاتسىزدىقتى, بەتىمەن كەتكەن كورگەنسىزدىكتى قوسىڭىز. مۇنىڭ ءبارى اينالىپ كەلگەندە ادام بالاسىن ەسىرىك اۋمەسەرگە اينالدىرادى», دەيدى ۇلىقبەك ەسداۋلەت.
اقىن ءبىز ءوز قوعامىمىزدا وسى جايتتارعا كۋا بولىپ وتىرعانىمىزدى قوسا ايتا كەتتى.
«تاربيەسىز قوعام - تۇل!», دەپ پايىم جاسادى قالامگەر.
