فوتو: ۆيدەودان سكرينشوت
ءۇي تۇرعىندارىنىڭ ايتۋىنشا, شابۋىل جاساعان ەر ادام ۇزاق جىلدار بويى اتا-اناسىمەن وسى تۇرعىن ءۇي كەشەنىندە تۇرادى. ولاردىڭ ايتۋىنشا, ەر ادام ناشاقورلىققا شالدىققان. سول ءتۇنى ول ۇيىنە كەلىپ, قاقپانى اشىپ تۇرعان كۇزەتشىنى كولىگىمەن ادەيى قاعىپ سوقتى, ارتىنان كولىكتەن ءتۇسىپ, وعان جۇدىرىق الا جونەلدى.
كۇزەتشى اۋىر جاعدايدا اۋرۋحاناعا جەتكىزىلىپ, سول جەردە كوز جۇمدى. مارقۇمنىڭ ارتىندا ءۇش بالاسى قالعانىن ايتا كەتۋ كەرەك.
الماتى پوليتسيا دەپارتامەنتى ادام ءولتىرۋ دەرەگى بويىنشا قىلمىستىق ءىس قوزعالعانىن حابارلادى.
«الدىن الا مالىمەت بويىنشا, تۇرعىن ءۇي كەشەنىنىڭ كۇزەتشىسى مەن تۇرعىنى اراسىندا جانجال شىعىپ, ناتيجەسىندە 45 جاستاعى ەر ادام كۇزەتشىنىڭ ومىرىنە سايكەس كەلمەيتىن دەنە جاراقاتتارىن كەلتىرىپ, كۇدىكتى ۇستالىپ, ۋاقىتشا قاماۋعا الىندى. قىلمىستىڭ باسقا ءمان-جايلارى انىقتالىپ جاتىر», دەپ حابارلادى الماتى پد ءباسپاسوز قىزمەتى.
