وقۋ-اعارتۋ مينيسترلىگىنىڭ مالىمدەۋىنشە, جاڭا وقۋ جىلىندا ءبىرىنشى سىنىپقا 370 مىڭنان اسا بالا بارادى دەپ بولجانىپ وتىر. ال بىلتىرعى مەكتەپكە بالانى قابىلداۋدان بيىلعى مەكتەپكە قابىلداۋدىڭ باستى ايىرماشىلىعى, ياعني كەيبىر وزگەرىستەرگە قاتىستى ورتا ءبىلىم كوميتەتىنىڭ باسقارما باسشىسى ءاليا چوكۋشەۆا:
– قازاقستان رەسپۋبليكاسىنىڭ كەيبىر زاڭنامالىق اكتىلەرىنە ءبىلىم بەرۋ, تالىمگەرلىك جانە بالالاردىڭ قاۋىپسىزدىگى ماسەلەلەرى جونىندەگى 2024 جىلدىڭ 23 اقپانىندا قابىلدانعان زاڭىنا ليتسەيلەر مەن گيمنازيالارعا ءبىرىنشى سىنىپقا قابىلداۋ كەزىندە ەمتيحان وتكىزۋگە تىيىم سالاتىن ەرەجە ەنگىزىلدى. بارلىق بالا, دايىندىق دەڭگەيىنە قاراماستان, تەڭ مۇمكىندىكتەرگە يە بولادى. بۇل باستاما تەستىلەۋ مەن اڭگىمەلەسۋگە بايلانىستى ءبىرىنشى سىنىپ وقۋشىلارىنداعى پسيحولوگيالىق قىسىمدى ازايتۋعا باعىتتالعان, – دەدى.
بالالار ءبىرىنشى سىنىپقا التى جاستان باستاپ اتا-اناسى نەمەسە زاڭدى وكىلىنىڭ ءوتىنىشى نەگىزىندە قابىلدانادى. وتىنىشپەن بىرگە №065ۋ فورماسىنداعى دەنساۋلىق جاعدايى تۋرالى انىقتاما, 026/ۋ-3 بالانىڭ دەنساۋلىق پاسپورتى جانە بالانىڭ ەكى دانا 3ح4 فوتوسۋرەتى بولۋ كەرەك. ءوتىنىش دەمالىس جانە مەرەكە كۇندەردى قوسپاعاندا, دۇيسەنبىدەن جۇماعا دەيىن قابىلدانادى. اتا-انالار بالانىڭ قۇجاتتارىن ەلەكتروندىق ۇكىمەتتىڭ ەgov.kz ۆەب-پورتالى ارقىلى تاپسىرا الادى.
