فوتو: azattyq-ruhy.kz
تاۋارلارعا بەرىلەتىن ىلەسپە قۇجاتتاردىڭ مالىمەتتەرىنە سايكەس اۆتوكولىكتەر قىرعىزستاننان تۇركياعا ترانزيتپەن ءوتىپ, بۇرشاق تاسىمالداعان. الايدا تەكسەرۋ بارىسىندا بۇرشاق ەمەس 3,5 ميلليون قوراپتان استام تەمەكى انىقتالىپ, ءىستىڭ بارلىق ماتەريالى جامبىل وبلىسى بويىنشا ەكونوميكالىق تەرگەۋ دەپارتامەنتىنە بەرىلگەن.
مەملەكەتتىك كىرىستەر كوميتەتىنىڭ حابارلاۋىنشا, وڭىردە ناۋرىز ايىندا كوميتەت پەن ۇقك شەكارا قىزمەتىنىڭ جۇكتەردى زاڭسىز تاسىمالداۋدىڭ جولىن كەسۋ بويىنشا بىرلەسكەن جەدەل-الدىن الۋ ءىس-شارالارى قولعا الىنعان. «بىرلەسكەن تەكسەرۋلەرىنىڭ ناتيجەسىندە 5 ناۋرىزدا قىرعىزستاننان جولاۋشىلارسىز كەلە جاتقان ءۇش اۆتوبۋستىڭ جۇك سالۋ بولىمدەرىندە 8 مىڭنان اسا حالىق تۇتىناتىن تاۋارلار: كيىم, سانتەحنيكا, شلانگىلەر, شاي, بەت ماسكالارى, اياق كيىم سومكەلەرى, ريۋكزاكتار تابىلدى. بارلىق تاۋارلاردىڭ ىلەسپە قۇجاتتارى جوق.
10 ناۋرىزدا قىرعىزستاننان كەلە جاتقان جولاۋشىلار اۆتوبۋسىنىڭ جانار-جاعارماي باگىنەن اكتسيزدەلەتىن ونىمگە ارنالعان سايكەستەندىرۋ قۇرالدارىنسىز 12 700 قوراپ «Oris» تەمەكىسى تابىلدى. 11 ناۋرىزدا قىرعىزستاننان تەمەكىنى زاڭسىز اكەلۋگە ارەكەت جاساۋ فاكتىسى انىقتالدى. سونداي-اق ەكى جەڭىل اۆتوكولىكتىڭ جانار-جاعارماي باكتەرىنەن 2 500 قوراپ «Oris» تەمەكىسى تابىلدى ء(ار كولىكتە 1 250 قوراپتان). تەمەكىنى زاڭسىز اكەلۋ فاكتىلەرى بويىنشا ماتەريالدار ءتيىستى شەشىم قابىلداۋ ءۇشىن سوت ورگاندارىنا جىبەرىلدى.
سالىق زاڭناماسى اياسىندا مۇنداي ارەكەتتەر كاسىپكەرلىك قىزمەتتى جۇزەگە اسىرۋ تۇرعىسىنان قارالادى. مەملەكەتتىك كىرىستەر كوميتەتىنىڭ ءباسپاسوز قىزمەتى كوميتەتتىڭ ۇقك شەكارا قىزمەتىمەن بىرلەسكەن قازاق-قىرعىز شەكاراسى ارقىلى تاۋارلاردىڭ زاڭسىز وتكىزىلۋىنە جول بەرمەۋ جونىندەگى جۇمىستارىنىڭ جالعاسا بەرەتىنىن مالىمدەدى.
