فوتو: وبلىستىق توتەنشە جاعدايلار دەپارتامەنتى
وبلىستا ءالى دە سۋ باسۋ قاۋپى جوعارى 14 اۋماق بار. سۋ تاسقىنىنىڭ سالدارىن جويۋعا 133 ادام, 51 بىرلىك ارنايى تەحنيكا مەن 35 موتوپومپا جۇمىلدىرىلعان.
«بۇعان دەيىن وسى ماسەلەنى تالقىلاعان كەزدە مەن بارلىق اكىمدەرگە قاردى ۋاقتىلى شىعارۋ جانە تۇرعىن ۇيلەردى سۋ باسىپ كەتپەۋ ءۇشىن جەكە جاۋاپكەرشىلىك تۋرالى ەسكەرتكەنمىن. سۋ تاسقىنى جاعدايىنا ەرەكشە نازار اۋدارىلعانىمەن, بارلىق اكىمدەر بۇل تاپسىرماعا قۇلاق اسىپ, سۋ تاسقىنىنا قارسى قاجەتتى شارالاردى ءتيىستى دەڭگەيدە جۇرگىزبەگەن. پاۆلودار اۋدانى, تەرەڭكول اۋدانى, سونداي-اق اقسۋ قالاسى اكىمدەرىنىڭ جۇمىسى قاناعاتتانارلىقسىز دەپ ەسەپتەيمىن. ولارعا سۋ تاسقىنىنا قارسى ءىس-شارالار كەزىندە باقىلاۋدىڭ ناشارلىعى ءۇشىن قاتاڭ سوگىس بەرىلدى», دەدى وبلىس اكىمى.
سونداي-اق اسايىن بايحانوۆ تۇرعىنداردىڭ ۇيلەرىن سۋ باسىپ كەتسە, اۋدان باسشىلارى قىزمەتتەن كەتۋى مۇمكىن ەكەنىن ەسكەرتتى.
توتەنشە جاعدايلار دەپارتامەنتىنە دە جاعداي تۋرالى حابارلاندى. وبلىستىق باسقارمانىڭ مالىمەتىنشە, تاڭەرتەڭگە دەيىن وبلىستا پاۆلودار, اقسۋ, ماي, ۋسپەن, پاۆلودار, شارباقتى, اقتوعاي جانە ەرتىس وڭىرلەرىندە 20-دان استام قاۋىپتى اۋماق بولعان. جولداردىڭ التى ۋچاسكەسى باقىلاۋعا الىندى: ءتورت ۋچاسكە رەسپۋبليكالىق ماڭىزى بار جولدار بويىنشا, ەكى ۋچاسكە وبلىستىق ماڭىزى بار جولدار بويىنشا.
ءبىر كۇندە وبلىس بويىنشا 30 مىڭ تەكشە مەتردەن استام ەرىگەن قار سۋى سورىلىپ, 420 توننا قار شىعارىلدى, جول جيەكتەرىنە 1,4 مىڭنان استام قۇم سالىنعان قاپتار توسەلدى. جۇمىس تاۋلىك بويى جۇرگىزىلەدى.
سونىمەن قاتار الەۋمەتتىك جەلىلەردە ءۇي اۋلالارى مەن سۋ كىرىپ كەتكەن عيماراتتار بەينەلەنگەن ۆيدەولار تاراپ ءجۇر. ال پاۆلوداردا زيرات اۋماعىن تولىعىمەن سۋ باسقان.
«27 ناۋرىزدا ەرتىس اۋىلىنىڭ تۇرعىنىنان اۋلا اۋماعىندا ەرىگەن سۋدىڭ جينالىپ قالعانى تۋرالى ءوتىنىش ءتۇستى. جەرگىلىكتى اتقارۋشى ورگانداردىڭ, سونداي-اق ەرتىس اۋدانى توتەنشە جاعدايلار دەپارتامەنتىنىڭ كومەگىمەن اۋلا اۋماعىنان ەرىگەن سۋدى سورۋ جۇمىستارى جۇرگىزىلدى. بۇل اۋماقتان بارلىعى 83 تەكشە مەتر سۋ سورىلدى», دەپ حابارلادى توتەنشە جاعدايلار دەپارتامەنتى.
سونداي-اق دەپارتامەنت ارىز-شاعىم تۇسكەن روزوۆكا اۋىلىندا دا ۇيلەردى سۋ باسۋ قاۋپى جوق دەپ سەندىردى. وندا كەشەدەن بەرى جۇمىس ءجۇرىپ جاتىر, سۋدى اعىزۋ ءۇشىن درەناجدىق ۇڭعىما بۇرعىلاندى.
ەستەرىڭىزگە سالا كەتەيىك, وڭىردە بىرنەشە كۇننەن بەرى سۋ تارتۋ جۇمىستارى جالعاسىپ جاتىر. سۋ باسۋ قاۋپى تونگەن جاعدايدا توتەنشە جاعدايلار قىزمەتى تۇرعىندارعا 109 جانە 112 تەلەفوندارىنا حابارلاسۋدى ۇسىنادى.
