فوتو: gov.kz
ۇكىمەت باسشىسىنا قار مەن مۇزدىڭ كۇرت ەرۋىنە بايلانىستى جانە سۋ تاسقىنىنا قارسى جۇرگىزىلىپ جاتقان جۇمىستار اياسىندا وڭىرلەردە قالىپتاسىپ وتىرعان احۋال تۋرالى باياندالدى.
توتەنشە جاعدايلار مينيسترلىگىنىڭ مالىمەتىنشە, جۇمىستارعا جەكە قۇرامنان 2500 ادام, 700-گە جۋىق تەحنيكا, 290-نان استام سۋ ايداۋ جانە ءجۇزۋ قۇرالدارى جۇمىلدىرىلعان. جۇمىستار ءىس-قيمىل الگوريتمىنە سايكەس جۇرگىزىلىپ جاتىر.
«جەدەل جەلى» تەلەفونى 8 717 2 70 41 14, سونىمەن قاتار وڭىرلىك بايلانىس ورتالىقتارى جۇمىسىن جالعاستىرىپ جاتىر.
سونىمەن قاتار الماتى, اقمولا, اقتوبە, باتىس قازاقستان, شىعىس قازاقستان, سولتۇستىك قازاقستان, قوستاناي, قاراعاندى, پاۆلودار, اباي, ۇلىتاۋ وبلىستارىندا جانە استانا قالاسىندا رەسپۋبليكالىق جانە وبلىستىق جەدەل شتابتار جۇمىس ىستەي باستادى.
توتەنشە جاعدايلار مينيسترلىگىنە وڭىرلەردىڭ اكىمدىكتەرىمەن بىرلەسىپ, سۋ تاسقىنىنا قارسى جۇمىستاردى جالعاستىرۋ جانە ەلدەگى احۋال تۋرالى تاۋلىك سايىن ەسەپ بەرۋ تاپسىرىلدى.
