فوتو: استانا قالاسىنىڭ اكىمدىگى
ونىڭ ايتۋىنشا, 2023 جىلدىڭ قىركۇيەگىندە قالانىڭ سۋ تاسقىنى قاۋپى بار ۋچاسكەلەرى كوميسسيالىق تەكسەرىستەن ءوتتى, 20 ۋچاسكە بويىنشا اۋدان اكىمدەرىنە قاجەتتى شارالاردى قابىلداۋ تۋرالى ۇسىنىمدار بەرىلدى. 1 اقپاننان باستاپ بۇل جۇمىس قايتا جالعاستى.
ايتا كەتسەك, قاڭتار ايىندا سۋ تاسقىنىنا قارسى ءىس-شارالار ايلىعى باستالدى, تۇرعىن ءۇي سەكتورىنىڭ تۇرعىندارىنا ءتۇسىندىرۋ جۇمىستارىن جۇرگىزىپ, ۇگىت ماتەريالدارىن تاپسىرا وتىرىپ, ىقتيمال قاۋىپتى ۋچاسكەلەردە 120 رەيد جۇرگىزىلدى.
«بۇگىنگى كۇنى كوممۋنالدىق قىزمەتتەر قالادان 6,5 ملن تەكشە مەتردەن استام قار شىعاردى, 55 مىڭنان استام مەتر ارىق-ناۋا جەلىسى, 9 مىڭنان استام مەتر كوللەكتورلار, 2 مىڭ دانا جاڭبىر قابىلداۋ قۇدىعى تازارتىلدى, 6 مىڭ سىزىقتىق مەتر قۇبىرلار بۋلاندى. «استانا تازالىق» بازاسىندا كولەمى 2,5 مىڭ (2213 تەكشە مەتر) تەكشە مەتر قۇم جانە اعاش (135 م3) ينەرتتى ماتەريالدار قورى دايىندالدى, تاعى 11 مىڭ تەكشە مەتر ينەرتتى ماتەريالداردى (9 800 م3 قۇم جانە 1 943 م3 اعاش) جەتكىزۋ تۋرالى كەلىسىمشارت بار», دەدى باقىتجان ماۋلەنبەرديەۆ.
سۋ تاسقىنى دەرەكتەرىنە ۋاقتىلى دەن قويۋ ماقساتىندا جەكە قۇرامنىڭ 599 ادامىنان, 156 بىرلىك تەحنيكادان, 65 موتوپومپادان تۇراتىن ازاماتتىق قورعاۋ قىزمەتتەرىنىڭ جالپى توبى قۇرىلدى.
وسى ورايدا تج دەپارتامەنتى تومەندە كورسەتىلگەن قاۋىپسىزدىك شارالارىن ەسكە سالدى:
- ءۇي ماڭىنداعى اۋماقتان كوشەنىڭ جول بويىنداعى بولىگىنە قاردى ۋاقتىلى تازالاۋ;
- ۇيدەن اعىندى سۋلارعا نەمەسە سۋ وتكىزگىش قۇبىرلارعا سۋ بۇرعىشتار ورناتۋ;
- سۋ سورعىشتاردى: تۇرمىستىق ەلەكتر سورعىلارى, شەلەكتەر, كۇرەكتەردى جانە ت.ب. الدىن الا قاراستىرۋ;
- سۋ باسقان جاعدايدا iKomek قالالىق مونيتورينگ جانە جەدەل دەن قويۋ ورتالىعىنا «109» ءنومىرى ارقىلى دەرەۋ حابارلاۋ قاجەت.
