باتىس قازاقستان وبلىسىندا كوكتەمگى سۋ تاسقىنىنا بايلانىستى كۇردەلى جاعداي ءالى سەيىلەر ەمەس. «قازگيدرومەت» قىزمەتى 27 ناۋرىز كۇنى ولەڭتى وزەنىندەگى گيدرولوگيالىق بەكەتتە سۋ دەڭگەيى 463 سم بولعانىن حابارلادى. ايتا كەتەيىك, وسىدان ءدال ءبىر تاۋلىك بۇرىن, ياعني 26 ناۋرىزدىڭ تاڭىندا بۇل جەردەگى سۋ دەڭگەيى 179 سم عانا بولعان. 24 ساعات ىشىندە سۋ دەڭگەيى +284 سم-گە كوتەرىلگەن.
«سۋ ءالى كەلىپ جاتىر, وزەندەگى سۋ دەڭگەيى جان-جاقتان سۋدىڭ كەلۋىمەن كوتەرىلىپ, قاۋىپتى بەلگىدەن اسۋى مۇمكىن. قاۋىپتى دەڭگەي – 490-520 سم», دەپ حابارلادى ماماندار.
«ولەڭتى وزەنىنىڭ تومەنگى جاعىندا ورنالاسقان جىمپيتى جانە ولەڭتى اۋىلدارىنىڭ وزەن ماڭىندا ورنالاسقان ۇيلەرىن سۋ باسۋ قاۋپى بار», دەپ ەسكەرتەدى توتەنشە جاعدايلار دەپارتامەنتى.
