Massaget.kz ءتىلشىسى جازعانداي, قاراۋىلكەلدى اۋىلىنىڭ تۇرعىندارى ۇيدەن شىعا الماي وتىرعاندارىن ايتادى. سەبەبى اۋىل ىشىندە ەرىگەن قار سۋى ءۇيدىڭ ىشىنە دەيىن كىرگەن. تۇرعىندار كوشەدە سۋ كەشىپ ءجۇر.
«جىلدا وسى جاعداي قايتالانادى. بىلتىر دا ءۇيىمىزدى سۋ باسقان. بيىل دا مىنە, ابىگەرگە ءتۇسىپ وتىرمىز. مەن سىرتقا شىعا الماي وتىرمىن. سۋ ەتىكتەن اسىپ كەتىپ تۇر. ءۇيدىڭ ىشىنە كىرىپ جاتىر. قورا, سارايدىڭ بارىنە سۋ كىردى. سارايدىڭ ءبىر شەتى قۇلادى. كورشىلەرىمىزدىڭ دە جاعدايى وسىنداي», دەيدى باراق باتىر كوشەسىنىڭ تۇرعىنى گۇلميرا.
تۇرعىندار بىلتىر دا ۇيلەرىنىڭ سۋعا كەتكەنىن ەسكە الدى.
ال بايعانين اۋداندىق اكىمدىگىنىڭ الەۋمەتتىك جەلىدەگى رەسمي پاراقشاسىندا اۋدان اكىمى ايبەك كوپەنوۆ جاعداي باقىلاۋدا ەكەنىن ايتتى.
«رەسپۋبليكالىق «اقتوبە-استراحان» تاس جولىنىڭ سۋ وتكىزگىش قۇبىرلارى ارقىلى اۋدان ورتالىعىنا دالا سۋى كىرىپ, بىرنەشە كوشەگە جايىلدى. شامامەن ءتورت-بەس كوشەنى سۋ باسىپ, ۇيلەردىڭ اۋلالارىنا سۋ كەلدى. اۋدان اكىمدىگى جانىنداعى شتاب شۇعىل ارەكەت ەتىپ, قاۋىپتىڭ نەگىزگى دەنى سەيىلدى. سۋدىڭ دەڭگەيى قايتتى», دەدى اۋدان اكىمى.
سونداي-اق اۋدان اكىمى جۇمىس توبى قۇرىلعانىن, اۋلالارى سۋعا كەتكەن ۇيلەردىڭ جاعدايى زەرتتەلەتىنىن ايتتى.
