فوتو: KRIS.P.ORIGINAL
«تولاسسىز جاۋعان جاڭبىر سالدارىنان 22 ناۋرىزدا «نۇر الاتاۋ» شاعىن اۋدانىندا ورنالاسقان ق.سالىقوۆ كوشەسى بويىنىڭ ءبىر بولىگى وپىرىلىپ ءتۇستى. مەردىگەر كومپانيا قاجەتتى جۇمىستاردى جۇرگىزىپ جاتىر. 2014 جىلى قالاعا قوسىلعان «نۇر-الاتاۋ» شاعىن اۋدانىنداعى ق.سالىقوۆ كوشەسىنىڭ بويىندا ارىق جۇيەسى جوق بولاتىن. سۋ تاسقىنىنىڭ الدىن الۋ ماقساتىندا اۋدان اكىمدىگىنىڭ تاپسىرىسى بويىنشا قالانىڭ ورتالىق بولىگىندەگى ارىق جەلىلەرى مەن نوسەر كارىزدەرىن سالۋ جانە قايتا جاڭارتۋ جوباسىنا جوعارىدا اتالعان كوشە قوسىلدى», دەپ جازدى الماتى قالالىق اكىمدىگىنىڭ ءباسپاسوز قىزمەتى.
«الماتىدورستروي كومپاني» جشس مەردىگەرلىك ۇيىمى 2023 جىلى ق.سالىقوۆ كوشەسىنىڭ بويىندا ۇزىندىعى 1 350 مەتر سۋ بۇرۋ ارىق جۇيەسىن سالۋ جۇمىستارىن باستاعان ەدى. كومپانيا جوسپارلى جۇمىستى وسى جىلدىڭ ءساۋىر ايىندا اياقتايدى.
