بۇگىن بايقوڭىر اۋدانىنداعى تەكسەرىستەردىڭ بىرىندە تىيىم سالىنعان ءونىمنىڭ ءىرى كولەمىن زاڭسىز ساقتاعاندار بەلگىلى بولدى.
- گاراج رەتىندە پايدالانىلعان نىساندا قازىر تىيىم سالىنعان 1 قاپ جانە 2 قوراپ ناسىباي انىقتالدى. ەندى تاركىلەنگەن تىيىم سالىنعان زاتتار جويىلادى. سونداي-اق يەسى اكىمشىلىك جاۋاپكەرشىلىككە تارتىلادى, - دەيدى پوليتسيا باسقارماسىنىڭ ۋچاسكەلىك ينسپەكتورى باحتيار بايقانوۆ.
سونىمەن قاتار رەيدتەر بارىسىندا شەگىلمەيتىن تەمەكى ونىمدەرىن ساقتاۋ مەن تاراتۋ فاكتىلەرى دە قۇرىقتالادى.سارىارقا اۋدانىنىڭ پوليتسيا قىزمەتكەرلەرى پروفيلاكتيكا بارىسىندا دۇكەن يەلەرىنە ۆەيپتەردى زاڭسىز ساتقاعانى ءۇشىن 92 مىڭ 500 تەڭگە ايىپپۇل قاراستىرىلعانىن ەسكەرتتى.
جەدەل پروفيلاكتيكالىق ءىس-شارا 31-ناۋرىزعا دەيىن جالعاسادى. قۇقىق قورعاۋشىلار مەن اكىمدىك وكىلدەرىنەن قۇرالعان توپ تەكسەرىستەردى ەڭ الدىمەن مەكتەپ ماڭىنداعى دۇكەندەردەن باستاۋدا.
