شانحاي ىنتىماقتاستىق ۇيىمىنا مۇشە مەملەكەتتەر دوستىق قارىم-قاتىناستى نىعايتۋعا, سان-سالانى دامىتۋ ارقىلى حالىقتىڭ ءومىر ساپاسىنا اسەر ەتەتىن باستامالاردى بىرلەسىپ ىسكە اسىرىپ كەلەدى. سونىڭ ىشىندە دەنساۋلىق ساقتاۋ سالاسىندا تاجىريبە الماسىپ, تۇرعىنداردىڭ ءومىرىن ۇزارتۋعا سەپتەسەتىن ورتاق ماقسات-مۇراتقا تالپىنىسى قۋانتادى. مۇنى فورۋمدا شانحاي ىنتىماقتاستىق ۇيىمى باس حاتشىسىنىڭ ورىنباسارى نۇران نيازاليەۆ, دۇنيەجۇزىلىك دەنساۋلىق ساقتاۋ ۇيىمى (ددۇ) ەۋروپالىق وڭىرلىك بيۋروسىنىڭ ديرەكتورى دوكتور حانس كليۋگە اتاپ ءوتتى.
– شانحاي ىنتىماقتاستىق ۇيىمىنىڭ جىلدان-جىلعا دامىپ كەلە جاتقانىن بايقايمىز. ۇيىم مۇشەلەرى كوپجاقتى كەلىسىمدەر ارقىلى ايماقتىڭ الەۋمەتتىك-ەكونوميكالىق الەۋەتىن نىعايتۋعا كۇش سالىپ جاتىر. دەنساۋلىق ساقتاۋ سالاسىندا دا ىلگەرىلەۋ بار. شىۇ-نىڭ ستراتەگيالىق جوسپارلارىنىڭ الەۋەتى جوعارى. سونىڭ ىشىندە ساپالى مەديتسينالىق قىزمەتتىڭ قولجەتىمدىلىگىن ارتتىرۋ, مەديتسينا سالاسىن تسيفرلاندىرۋ, مەديتسينالىق ءتۋريزمدى دامىتۋ, فارماتسەۆتيكاداعى بايلانىستى ىلگەرىلەتۋ, ءداستۇرلى مەديتسينامەن قاتار توتەنشە جاعدايلارعا قاتىستى شەشىمدەردى كەڭەيتۋگە كوڭىل بولەدى.
ىزىنشە دەنساۋلىق ساقتاۋ ءمينيسترى اقمارال ءالنازاروۆا دەنساۋلىق ساقتاۋ سالاسىنداعى جەتىستىكتەردى تىزبەكتەپ, شىۇ-عا مۇشە مەملەكەتتەرگە تابىس تىلەدى.
– وسى ساتتە قازاقستاننىڭ دەنساۋلىق ساقتاۋ جۇيەسى, حالىقارالىق تاجىريبەلەر جايىندا حابارلاعىم كەلىپ تۇر. بىزدە اۋىل-ايماقتاردى ساپالى مەديتسينالىق كومەكپەن قامتۋ ءۇشىن قاشىقتان قىزمەت كورسەتۋ, كوشپەلى مەديتسينالىق كەشەندەر مەن مەديتسينالىق پويىزدار ىسكە قوسىلعان. اۋىلدىق دەنساۋلىق ساقتاۋ سالاسىن مودەرنيزاتسيالاۋ ماقساتىندا ۇلتتىق جوبا بەكىتىلگەن. ەكى جىلدا العاشقى مەديتسينالىق-سانيتارلىق كومەك كورسەتەتىن 655 نىسان اشىلادى. وسىعان قوسا ءدارى-دارمەكتىڭ قولجەتىمدىگىن ارتتىرۋ ماقساتىندا ىشكى نارىقتا وتاندىق ءوندىرىستىڭ ۇلەسىن 50%-عا جەتكىزۋ كوزدەلگەن. بۇگىنگى كەزدەسۋگە جيىلعان ارىپتەستەردىڭ وسى باعىتتاعى مول تاجىريبەسىن ەسكەرە وتىرىپ, مەديتسينالىق ونىمدەر مەن قۇرالداردى قازاقستان اۋماعىندا ءوندىرۋ بويىنشا كەلىسىمدەرگە دايىن ەكەنىمىزدى جەتكىزگىم كەلەدى, – دەدى ا.ءالنازاروۆا.
سونىمەن قاتار پرەزيدەنتتىڭ عىلىم جانە يننوۆاتسيالىق ماسەلەلەر جونىندەگى كەڭەسشىسى كۇنسۇلۋ زاكاريا كوروناۆيرۋس پاندەمياسى تۇسىندا قابىلدانعان جەدەل شەشىمدەردى ەسكە سالىپ, عىلىمداعى جەتىستىكتەرگە, بيولوگيالىق قاۋىپسىزدىك باعىتىنداعى ورتاق ماسەلەلەرگە توقتالدى. ءسوزىن تۇيىندەي كەلە شىۇ-عا مۇشە ەلدەردى پرەزيدەنت قاسىم-جومارت توقاەۆتىڭ بيولوگيالىق قاۋىپسىزدىك جونىندەگى حالىقارالىق اگەنتتىك قۇرۋ تۋرالى ۇسىنىسىن قولداۋعا شاقىردى. اتالعان اگەنتتىك قۇرىلسا, حالىقارالىق كەلىسىمدەردى نىعايتا وتىرىپ, بيوفارماتسەۆتيكانى دامىتۋعا ىقپال ەتەدى.
كەڭەستە رەسەي فەدەراتسياسى دەنساۋلىق ساقتاۋ ءمينيسترىنىڭ ورىنباسارى اندرەي پلۋتنيتسكي, تاجىكستان دەنساۋلىق ساقتاۋ جانە الەۋمەتتىك قورعاۋ ءمينيسترىنىڭ ورىنباسارى امير اميرزودا, وزبەكستان دەنساۋلىق ساقتاۋ ءمينيسترىنىڭ مىندەتىن اتقارۋشى اسيلبەك حۋداياروۆ, وزگە دە تۇلعالار سالاداعى جاڭاشىلدىقتار, حالىقارالىق تاجىريبە جونىندە باياندادى.
وسى كۇنى شىۇ-عا مۇشە ەلدەردىڭ دەلەگاتسيا باسشىلارىمەن ەكىجاقتى كەزدەسۋ ءوتتى. مىسالى, ددۇ ەۋروپالىق وڭىرلىك بيۋروسىنىڭ ديرەكتورى, دوكتور حانس كليۋگەمەن كەزدەسۋ بارىسىندا كادر دايارلاۋ, مساك-ءتىڭ جاڭا ستاندارتتارىن ەنگىزۋ, دارىلىك زاتتاردى تاڭبالاۋمەن قاتار ارال باسسەينى اۋماعىندا حالىقتىڭ دەنساۋلىعىن زەرتتەۋ ءۇشىن تەحنيكالىق جانە كونسۋلتاتسيالىق قولداۋ كورسەتۋ جايى كەلىسىلدى. ال وزبەكستاننىڭ دەنساۋلىق ساقتاۋ ءمينيسترىنىڭ مىندەتىن اتقارۋشى اسيلبەك حۋداياروۆپەن كەزدەسۋدە دەنساۋلىق ساقتاۋ سالاسىنداعى ارىپتەستىك ىنتىماقتاستىقتى جانداندىرۋ, مەديتسينالىق ءبىلىم جانە عىلىم ۇيىمدارىنىڭ اراسىندا جۇمىس توبىن قۇرۋ جوسپارى ۇسىنىلدى. سونداي-اق تاراپتار مەديتسينالىق كادرلاردى دايارلاۋ ستاندارتتارىن بىرىزدەندىرۋ, بىرلەسكەن عىلىمي جوبالار جۇرگىزۋ, زاماناۋي تەحنولوگيالاردى, ەرتە سكرينينگتەردى قولدانۋ, يمپورتتى الماستىرۋ بويىنشا تاجىريبە الماسۋ تۋرالى كەلىسىمگە كەلگەن.
