فوتو: كازتاگ
جۋرناليستەر ەرجان سادەنوۆتەن «ەكس-مينيستر قۋاندىق بيشىمباەۆتىڭ تەرگەۋ يزولياتورىنداعى جاعدايى باسقا سوتتالۋشىلارمەن بىردەي مە؟» دەپ سۇرادى. ءوز كەزەگىندە مينيستر بارلىعى زاڭ الدىندا بىردەي ەكەنىن ايتتى.
«قازىر قىلمىستىق ءىس سوتتا قارالىپ جاتىر. سول سەبەپتى ول يزولياتوردا. بارلىعى زاڭ الدىندا بىردەي. ەشكىمدە ەرەكشە جاعداي جوق, بارلىعى زاڭعا سايكەس وتىر. بىزدە قاماۋداعى كامەرالىق ءتۇرى بار. ول بارىمەن بىرگە, ياعني كامەرالاستارىمەن بىرگە وتىر», دەپ جاۋاپ بەردى مينيستر.
ەسكە سالايىق, ەكس-مينيستر قۋاندىق بيشىمباەۆ ايەلى سالتانات نۇكەنوۆانى اسا قاتىگەزدىكپەن ءولتىردى دەگەن كۇدىككە ءىلىندى. وعان قىلمىستىق كودەكستىڭ 99-بابى 2-بولىگى, 5-تارماق (كىسى ءولتىرۋ, باسقا ادامعا قاساقانا ءولىم جاساۋ, ەرەكشە قاتىگەزدىكپەن), سونداي-اق 110-بابى 2-بولىگى, 1-تارماعى (جۇيەلى تۇردە ۇرىپ-سوعۋ جولىمەن نەمەسە وزگە دە زورلىق-زومبىلىقپەن فيزيكالىق جانە پسيحيكالىق ازاپ شەكتىرۋ) بويىنشا ايىپ تاعىلعان.
