فوتو: رۋسلان پريانيكوۆ
19 ناۋرىزدا وتكەن ۇكىمەت وتىرىسىندا ۇلتتىق ەكونوميكا ءمينيسترى نۇرلان بايبازاروۆ اۋىلداردىڭ قالاعا اينالۋى مۇمكىن كريتەريلەردى اتادى. قازىر ەلىمىزدە 10 مىڭنان استام تۇرعىنى بار 112 اۋىل بار. ونىڭ ىشىندە 18 ەلدى مەكەندە 30 مىڭنان استام ادام تۇرادى.
«زاڭنامادا ولاردىڭ مارتەبەسىن وزگەرتۋ تەتىكتەرى قاراستىرىلعان. ماسەلەن, ءۇش جىلدىڭ ىشىندە حالىق سانى 10 مىڭنان اساتىن بولسا, وندا وبلىستىق ءماسليحات بۇل اۋىلداردىڭ مارتەبەسىن وزگەرتۋگە, ياعني قالا مارتەبەسىن بەرۋگە قۇقىلى», دەدى شەنەۋنىك.
ونىڭ ايتۋىنشا, بۇل زاڭ 2021 جىلى كۇشىنە ەنگەن. قازىر وبلىس اكىمدىكتەرى بۇل اۋىلداردىڭ مارتەبەسىن وزگەرتۋگە قاتىستى ءماسليحاتتاردان تۇسكەن وتىنىشتەردى قاراپ جاتىر. بىراق ءالى ناقتى شەشىم قابىلدانعان جوق.
قازاقستاندا بارلىعى 7,6 ميلليون ادام تۇراتىن 6256 اۋىلدىق ەلدى مەكەن بار. سوڭعى 10 جىلدا 50-دەن از تۇرعىنى بار 582 اۋىل جويىلدى.
