كورمەگە پاۆلودار قالاسىنداعى بالالار كوركەمسۋرەت مەكتەبى مەن اقسۋ قالاسىنداعى ونەر مەكتەبى وقۋشىلارى اتسالىستى.
كورمەگە كەلۋشىلەر جاس سۋرەتشىلەردىڭ حالىق داستۇرلەرىن بەينەلەيتىن پەيزاجدار, كومپوزيتسيالار, ۇلتتىق ناقىشتا سالىنعان كارتينالارىن تاماشالادى.
جۇمىستار ءار ءتۇرلى ءداستۇرلى جانە ءداستۇرلى ەمەس ادىستەرمەن, اكريلدى كەسكىندەمە, كيىز باسۋ, ىستىق باتيك, كيىز, قۇرعاق جانە دىمقىل كيىز باسۋ تەحنيكاسىندا ورىندالعان.
«كورمەگە ەكى مەكتەپتەن 80-نەن استام جۇمىس ۇسىنىپ وتىرمىز. بۇل دەگەنىمىز جاس سۋرەتشىلەرىمىزدىڭ مادەنيەتكە, ونەرگە جانە ۇلتتىق قۇندىلىقتارعا دەگەن قىزىعۋشىلىقتارىن ارتتىرۋ. ۇلتتىق ادەت-عۇرىپتار مەن سالت-داستۇرلەردى ناسيحاتتاۋ», دەدى بالالار كوركەم سۋرەت مەكتەبى باسشىسىنىڭ ورىنباسارى گۇلنار مۋحامەتكالينا.
