جاستار جاڭا بيىكتەرگە ۇمتىلادى

اقتوبەلىك جاستاردىڭ “اۋىل­دىڭ گۇلدەنۋى – قازاقستاننىڭ گۇلدەنۋى” مارافون-ەستافەتاسىنىڭ العاشقى كەزەڭىنىڭ قورىتىندىسى شىعارىلدى. وبلىس اكىمىنىڭ باس­پاسوز قىزمەتىنىڭ حابار­لاۋىنشا, وبلىستىڭ ءبىلىم بەرۋ ۇيىمدارىنان مارافون-ەستافەتاعا قاتىسۋشىلار وسى كەزەڭدە 373 گەكتار ساياباقتار مەن گۇلزارلاردى كورىكتەندىرىپ, 689 گەكتار وزەن جاعالاۋلارىن تازار­تىپتى. 158 اۋىلدىڭ 666 كوشەسى تارتىپكە كەلتىرىلگەن. سونداي-اق ورمان جولاقتارىنىڭ 114 ۋچاسكەسى قۋراعان اعاشتاردان, 613,9 شاقى­رىم جول بويى تۇرمىستىق قال­دىقتاردان تازارتىلعان. 253 ستي­حيا­لى قالدىق ۇيىندىلەرى جويى­لىپ, 1736 توننا كۇل-قوقىس ەلدى مەكەن­دەردىڭ سىرتىنا شىعارى­لىپتى. مارافون-ەستافەتاعا قاتىسۋشىلار 28 سپورت عيماراتىن جوندەگەن, 5867 گەكتارعا گۇلدەر جانە كوك ءشوپ ەگىپ, 30 000 اعاش كوشەتتەرىن وتىرعىزعان. اۋدان اكىمدەرىنىڭ ەسەپتەرىن تىڭداعان وبلىس باسشىسى اقتوبە­لىك جاستاردىڭ ءوز ولكەسىن كورىك­تەندىرۋگە, كوگالداندىرۋعا ۇلەس قوسسام دەگەن ىزگى نيەتى مەن شىنا­يى پاتريوتتىق قوزعالىسىنا ءاتۇستى قاراۋعا بولمايتىنىن جەتكىزدى. ول ەل اۋقىمىندا قولداۋعا يە بولعان اقتوبەلىك جاستار باستاماسىن جۇزە­گە اسىرۋعا قارجى تولىق قاراستى­رىل­عانىن, ونىڭ جاستارعا ەڭبەك­اقى تولەۋگە دە, كولىككە, كيىندىرۋگە جانە تاماقتاندىرۋعا دا كەتەتىن شىعىندارعا جەتەتىنىن ءمالىم ەتتى. ەندىگى ماسەلە جۇمىستىڭ جەرگىلىكتى جەردە قالاي ۇيىمداستىرىلۋىنا بايلانىستى ەكەنىنە توقتالا كەلىپ, تەك جاستاردى عانا ەمەس, بەلسەندى اتا-انالاردى جانە ارداگەرلەردى دە ىنتالاندىرۋ قاجەتتىگىن ايتتى. وبلىس باسشىسى اتقارىلعان جۇ­­مىس, جاستاردىڭ ەڭبەگىن ۇيىمداس­تىرۋ جايىندا اقپاراتتاردى ءوزارا تەكسەرۋگە نازار اۋداردى. تامىز­دىڭ اياعىندا ەڭبەكتىڭ بارلىق باعىتتارى جانە وبلىستىڭ بارلىق وڭىرلەرى بويىنشا ناقتى ناتيجە كورىنەتىنىن ەسكە سالىپ, سول كەزدە ۇياتقا قالماۋدىڭ قامىن قازىردەن باستاپ ويلاستىرۋدى مىندەتتەدى. باستاما كوتەرۋدىڭ جاۋاپكەرشى­لىگىن تۇسىنگەن اقتوبەلىك جاستاردىڭ جاڭا لەگى ەڭبەك ەستافەتاسىن جالعاستىرۋعا كىرىستى. وسى ارالىقتا پاۆلودار قالاسىندا وتكەن ء“بىرلى­گىمىز جاراسقان!” اتتى ءىىى رەسپۋبلي­كالىق فورۋمنان ورالعان اقتوبەلىك دەلەگاتسيا باسشىسى – وبلىستىق ىشكى ساياسات باسقارماسى باستىعى­نىڭ ورىنباسارى سىرىم ءابدىراح­مانوۆ­تىڭ مالىمدەۋىنشە, ءبىزدىڭ وبلىستىڭ بۇل مارافون-ەستافەتاعا 1 ميلليارد تەڭگە بولگەنىن, بەل­سەن­دى ەڭبەك ەتكەن جاستاردى قول­داۋ­عا وبلىس اكىمى ەلەۋسىن ساعىن­دىقوۆ 60 اۆتوكولىك, 1 مىڭ نوۋت­بۋك, استانا قالاسىنا قىدىرىپ قايتۋعا 2000 جولداما بەرەتىنىن جەتكىزگەندە, وسى شاراعا قاتىسۋعا جەر-جەردەن كەلگەندەردىڭ ءبارى تاڭعالىپتى. سول فورۋمعا قاتىس­قان 14 اقتوبەلىكتىڭ ىشىنەن اقتوبە حروم قوسىندىلارى زاۋىتىنىڭ 5-تسەح جۇمىسشىسى كارىم ءدۇي­مۇحا­نوۆ پەن “اقتوبەمۇنايگاز” اق جاڭا­جول مۇناي-گاز وڭدەۋ زاۋىتى­نىڭ ينجەنەر-تەحنولوگى اكىم­گەرەي ەرتاەۆ “بىرلىگىمىز جاراس­قان!” قۇرمەتتى ەرەكشەلىك بەلگىسى­مەن ماراپاتتالىپتى. مىنە, “اۋىلدىڭ گۇلدەنۋى – قا­زاق­ستاننىڭ گۇلدەنۋى” اتتى باستاما كوتەرگەن اقتوبەلىك جاس­تار­دىڭ جازعى دەمالىستارىندا قوعام­عا قاجەتتى ىسپەن اينالىسىپ, تۋعان اۋىلىن, وسكەن ءوڭىرىن كوركەي­تۋگە, كورىكتەندىرۋگە جۇمىلىپ جات­قان ونەگەسىنىڭ ومىرشەڭدىگى دە وسىن­دا بولسا كەرەك. جاستاردى قول­دا­عان جەرگىلىكتى بيلىكتىڭ قام­قورلىعى زايا كەتپەي, بۇل باعىتتا تابىستىڭ اۋىلى دا قوڭسى قونا­تىنىنا ارالىق كەزەڭنىڭ قورى­تىن­دىسى دا سەندىرە تۇسەدى. “بالا­پاندى كۇزدە سانايدى” دەگەن­دەي, جاستار ەڭبەگىنىڭ قانشا­لىقتى قاي­تارىمدى بولعانىن اتا زاڭى­مىز­دىڭ 15 جىلدىعى مەرەكە­لەنە­تىن ۇستىمىزدەگى جىلعى 30 تامىز­دا بىلە­تىن بولامىز. وعان دەيىن تالاي شارۋا­نىڭ باسى قايىرى­لاتىنى ءسوزسىز. ساتىبالدى ءساۋىرباي. اقتوبە وبلىسى.