استانادا 12 ناۋرىزدا وتكەن سوتتىڭ الدىن الا تىڭداۋىندا سوت كۇدىكتى بيشىمباەۆتىڭ ءىستى القابيلەر سوتىندا قاراۋ تۋرالى ءوتىنىشىن قاناعاتتاندىرۋ قاجەت دەپ شەشتى.
سۋديا ايجان قۇلباەۆا قۋاندىق بيشىمباەۆتىڭ ءىسىن پروكۋرورعا قايتارۋدان باس تارتىلاتىنىن دا مالىمدەدى. سونىمەن بىرگە بيشىمباەۆ تاراپىنىڭ ءىستى «ابايسىزدا كىسى ءولتىرۋ» بابىنا اۋىستىرۋ تۋرالى ءوتىنىشى دە ماقۇلدانبادى.
سوت بيشىمباەۆتىڭ سالتانات نۇكەنوۆانى ۇرىپ-سوققانى تۇسىرىلگەن ۆيدەونى الىپ تاستاۋ, تەرگەۋ ەكسپەريمەنتىن جۇرگىزۋ, نۇكەنوۆانىڭ اكەسىنە جانە باسقا دا بىرقاتار ادامعا پسيحياتريالىق ساراپتاما تاعايىنداۋ تۋرالى ءوتىنىشتى دە قاناعاتتاندىرمادى. مۇنىڭ ءبارى بيشىمباەۆتىڭ قورعاۋشىلارىنىڭ سوتقا قويعان تالابى ەدى.
ەسكە سالايىق, 11 ناۋرىزدا قۋاندىق بيشىمباەۆ ءىستى القابيلەردىڭ قاتىسۋىمەن وتكىزۋ تۋرالى ءوتىنىش ايتقان.
