بۇگىنگە دەيىن اقىننىڭ «ارايلى تاڭ», «كۇڭگىرتاۋ قۇپياسى», «مەنىڭ ەلىم, مەنىڭ جەرىم», «ماقپال كۇندەر», «تەربەگەن تەڭىز ءالديى» سەكىلدى بىرنەشە جىر جيناعى مەن پۋبليتسيستيكالىق كىتابى جارىق كورىپ, وقىرمانداردىڭ جىلى باعاسىن العان.
كەش شىمىلدىعىن ەلوردالىق فيلارمونيانىڭ «سارىارقا» فولكلورلىق ءانسامبلى قۇرمانعازىنىڭ «اداي» كۇيىمەن اشتى. ودان كەيىن كومپوزيتور ەرجان توقسانباەۆتىڭ «تۇعىرلى ەل» تۋىندىسى ورىندالدى. سودان سوڭ استانا قالاسى تىلدەردى دامىتۋ جانە ارحيۆ ءىسى باسقارماسى باسشىسىنىڭ ورىنباسارى يسابەك دوسجان كەش يەسىن قۇتتىقتاپ, وعان ەلوردا اكىمى ج. قاسىمبەكتىڭ العىس حاتىن تاپسىرىپ, قازاقى داستۇرمەن يىعىنا شاپان جاپتى. سونداي-اق كوكشەتاۋداعى وبلىستىق ادەبيەت جانە ونەر مۋزەيىنىڭ ديرەكتورى نۇربەك نۇرالين اقمولا وبلىسىنىڭ اكىمى م.احمەتجانوۆتىڭ قۇتتىقتاۋ حاتىن وقىپ بەرسە, قازاقستان جازۋشىلار وداعى استانا فيليالىنىڭ ديرەكتورى, اقىن داۋلەتكەرەي كاپ ۇلى اتالعان وداقتىڭ باسقارما توراعاسى م.قۇلكەنوۆتىڭ قۇتتىقتاۋ حاتىن تاپسىردى. اقىننىڭ تۋعان جەرىنەن كەلگەن سولتۇستىك قازاقستان وبلىسى ايىرتاۋ اۋدانى اكىمىنىڭ ورىنباسارى جاقسىلىق ءجۇسىپوۆ ايماق باسشىسى ع.نۇرمۇحامبەتوۆتىڭ قۇتتىقتاۋ حاتىن وقىپ, سىي-قۇرمەت كورسەتتى. سونىمەن بىرگە بەلگىلى اقىن, حالىقارالىق «الاش» ادەبي سىيلىعىنىڭ لاۋرەاتى ءورىس ياشكۇرقىزى, قازاقستاننىڭ ەڭبەك سىڭىرگەن قايراتكەرى وراز قاۋعاباي, جازۋشى, ۇلتتىق «ايبوز» سىيلىعىنىڭ يەگەرى ايگۇل كەمەلباەۆا قالامگەر شىعارماشىلىعى تۋرالى جىلى لەبىزدەرىن جەتكىزدى.
«ە.ءسۇيىنوۆتىڭ ولەڭدەرىن زەر سالىپ وقىپ جۇرەمىن. اقىننىڭ تۋعان جەر, ونىڭ اسەم تابيعاتى جايلى, تاريحي تۇلعالارعا ارناعان سىرشىل ولەڭدەرى ەشكىمدى بەي-جاي قالدىرمايدى. ونىڭ شىعارماشىلىعىنان ۇنەمى ىزدەنىس, كوركەمدىك جاعىنان ءوسۋ, ءتىل بايلىعى بايقالادى», دەدى ا.كەمەلباەۆا.
كەش بارىسىندا ءا.مامبەتوۆ اتىنداعى ساتيرا جانە دراما تەاترىنىڭ ارتىستەرى ە.ءسۇيىنوۆتىڭ وتان, تۋعان جەر, كوركەم تابيعات كورىنىستەرى مەن ماحاببات تاقىرىبىنا ارنالعان نازىك سەزىمگە تولى ولەڭدەرىن وقىدى. ونىڭ سوزىنە جازىلعان ء«وزىڭدى كۇتىپ ءجۇرمىن», «ساعىندىم عوي مەن سەنى» اتتى اسەم اندەردى قازاقستاننىڭ ەڭبەك سىڭىرگەن قايراتكەرى ارايلىم راقىمقىزى مەن حالىقارالىق بايقاۋلاردىڭ لاۋرەاتى دوس سەكىلدى تانىمال انشىلەر ورىندادى. سونىمەن قاتار اقىننىڭ جارى مارفۋعا بەكتەمىروۆانىڭ ولەڭىنە جازىلعان «اق قايىڭعا» ءانىن قازاقستاننىڭ ەڭبەك سىڭىرگەن قايراتكەرى كلارا تولەنباەۆا ورىنداسا, «اققۋىم مەنىڭ قايداسىڭ؟» تۋىندىسىن تالانتتى ءانشى مەدەت سالىقوۆ شىرقادى.
كەش سوڭىندا اقىننىڭ ءوزى ءسوز الىپ, وسى ءىس-شارانى وتكىزۋگە ۇيىتقى بولعان استانا قالاسى اكىمدىگىنە ريزاشىلىعىن ءبىلدىرىپ, جينالعان قاۋىمعا كەيىنگى جازعان ولەڭدەرىن وقىدى.
