فوتو: janaomir.kz
«2 ايدىڭ قورىتىندىسى بويىنشا ينفلياتسيا جىلدىق ماندە باياۋلاپ, 9,3%-دى قۇرادى. بۇل رەتتە ونى 8% دالىزىندە ۇستاپ تۇرۋ مىندەتى تۇر. كۇرىش, جۇمىرتقا, جەمىستەر, سۋسىندار, سارى ماي جانە ماكارون ونىمدەرىنىڭ باعاسى قىمباتتاعان. كورىپ وتىرعانىمىزداي, باعاسى ءوسىپ كەتكەن پوزيتسيالاردىڭ سانى ەداۋىر كوپ. دەمەك بۇل ورتالىق جانە جەرگىلىكتى اتقارۋشى ورگاندار تاراپىنان قابىلدانىپ جاتقان شارالاردىڭ جەتكىلىكسىز ەكەنىن كورسەتەدى», دەدى ۇكىمەت باسشىسى.
ونىڭ ايتۋىنشا, وسى باعىتتاعى جۇمىستا تۇراقتاندىرۋ قورلارى, فورۆاردتىق كەلىسىمشارتتار, ءونىم قۇنىن ارزانداتۋدى سۋبسيديالاۋ, باعا تۇراقتىلىعىن قامتاماسىز ەتۋ بويىنشا ساۋدا سۋبەكتىلەرىمەن كەلىسىمدەر جاساۋ سياقتى پارمەندى تەتىكتەردى بەلسەندى پايدالانۋ كەرەك. سونىمەن قاتار يمپورتقا تاۋەلدى ءونىم ءوندىرىسىن كەڭەيتۋ جانە الەۋمەتتىك ماڭىزى بار ازىق-ت ۇلىك تاۋارلارىن وندىرۋگە ارنالعان باسىم داقىلداردىڭ ەگىس القاپتارىن ۇلعايتۋ قاجەت.
