27 جاستاعى جاسىل قۇرلىقتىڭ وكىلى ءوزىنىڭ سپورتتىق مانسابىن ءساتسىز باستاعان ەدى. 2016 جىلى دجەك ولدين بەيتس جانە دارسي ۆەنديدەن ويسىراي ۇتىلدى. بىراق سودان كەيىن ول قاتارىنان 15 جەكپە-جەكتە جەڭىسكە جەتىپ, ءوزىنىڭ مىقتىلىعىن مويىنداتتى. ماددالەنا 2022 جىلدان بەرى UFC-دە باق سىناپ ءجۇر. سول كەزدەن بەرى جەتى رەت وكتاگونعا شىقتى. ول پيتت رودريگەس (نوكاۋت), رامازان ەمەەۆ (نوكاۋت), دەنني رودريگەس (نوكاۋت), رەندي براۋن (قىلقىندىرۋ), باسسيل حافەز (تورەشىلەردىڭ شەشىمى), كەۆين حوللاند (تورەشىلەردىڭ شەشىمى) جانە گيلبەرت بەرنستەن (نوكاۋت) باسىم ءتۇستى. بارلىعى 19 رەت ايقاسقان اۋستراليالىق فايتەر 17 مارتە جەڭىسكە جەتىپ, 15 باسەكەنى مەرزىمىنەن بۇرىن اياقتادى.
قاشاندا سابىرلى قالپىنان اينىمايتىن شاۆقات راحمونوۆ: «سەنىمدىلىگىڭ مەن باتىلدىعىڭا ريزامىن. بىراق دجەك سەن دە مەنىڭ بۇعان دەيىنگى قارسىلاستارىمنىڭ كۇيىن كەشەسىڭ», دەپ اڭگىمەنى شورت كەستى.
