فوتو: sports.kz
ماياميدە قانداسىمىز جەرگىلىكتى فايتەر سي دجەي ۆەرگارامەن كۇش سىناستى. 32 جاستاعى امەريكالىق فايتەر وسىعان دەيىن 17 مارتە جەكپە-جەككە شىعىپ, 12 رەت جەڭىسكە جەتتى. بۇل ايقاستاردىڭ جەتەۋىن مەرزىمىنەن بۇرىن اقتادى. ءتورت رەت ۇتىلىپ, تاعى ءبىر باسەكەدە تەڭ ەسەپ تىركەلدى. كەزدەسۋ باسىنان اياعىنا دەيىن ءبىر سارىندا ءوتتى. ارا-تۇرا سي دجەيدىڭ سىلتەگەن سوققىلارى اسۋعا ءدال تيگەنىمەن, باسىمدىق تولىقتاي ءبىزدىڭ سپورتشى جاعىندا بولدى. ول جىلدام قيمىلداپ, ءجيى شابۋىلدادى. سوققىلارىنىڭ كوبىن ءدال دارىتتى. ناتيجەسىندە, سوڭىنا دەيىن سوزىلعان سايىستا بارلىق تورەشى الماباەۆتىڭ مىقتىلىعىن ءبىراۋىزدان مويىندادى. ەسەپ – 30:27, 30:27, 30:27.
بۇل اسۋدىڭ 21 كەزدەسۋدەگى 19-جەڭىسى! ءبىر كەرەمەتى, 2017 جىلدان بەرى قازاقتىڭ ۇلى 15 رەت وكتاگونعا شىعىپ, بارلىق باسەكەدە باسىمدىق تانىتتى.
