بۇعان دەيىن جاقىندارىمنىڭ ىشىندە ەشبىرى قارجى سالاسىندا قىزمەت ەتپەگەن. ەۋروپالىق قايتا قۇرۋ جانە دامۋ بانكىنىڭ سەرىكتەستىك دامۋ باعدارلاماسى ارقاسىندا العاش رەت كوممەرتسيالىق بانككە جۇمىسقا ورنالاستىم. بۇل باعدارلاما ماعان قارجىلىق تالداۋدىڭ جانە كاسىپكەرلەرگە نەسيە بەرۋ ەرەكشەلىكتەرىن ءتۇسىنۋدىڭ وتە جاقسى نەگىزىن قالىپتاستىردى.
جۇمىس بارىسىندا جاڭا تاۋەكەلدەرگە, جاڭا قيىندىقتارعا اركەز تاپ بولامىز. مىندەتتەردى تابىستى شەشە الۋ ءۇشىن ءاردايىم دامىپ, جەتىلىپ وتىرۋ, ءبىلىم الۋدان جالىقپاۋ وتە ماڭىزدى. سوڭعى ۋاقىتتا بولعان كۇردەلى ءارى اۋقىمدى كەيستەردىڭ ءبىرى – تسەنتركرەديت بانكى مەن ECO Center Bank-ءتىڭ بىرىگۋى بولدى. ءبىز بۇل ۇدەرىسى وتە قىسقا مەرزىمدە جۇزەگە اسىردىق. كليەنتتەرگە قولايسىزدىق تۋدىرماي ەكى ءىرى بانكتىڭ جۇيەسىن, ۇدەرىستەرىن جانە پورتفەلىن بىرىكتىرۋ وتە قيىن, ارينە. الايدا ءبىزدىڭ كوماندا بۇل مىندەتتىڭ ۇدەسىنەن شىعا الدى.
كاسىبي مانسابىمدا العاش سول كەزدەگى ەكىنشى دەڭگەيلى بانكتەر (ەدب) اراسىندا توپ-2-گە كىرەتىن ەلىمىزدىڭ ەڭ ءىرى بانكتەرىنىڭ بىرىندە جۇمىس ىستەدىم. قازىر ول بانك نارىقتا جوق. ول جەردە مەن زاڭدى تۇلعالارعا نەسيە بەرۋ بويىنشا جاقسى تاجىريبە جينادىم جانە تاۋەكەل-مەنەدجمەنت بويىنشا مانسابىمدى باستادىم. ەكىنشى جۇمىس ورنىم قازاقستاننىڭ ەدب توپ-8 قۇرامىنا كىرەتىن كىشى بانك بولدى, وندا مەن تاۋەكەل-مەنەدجەر رەتىندە جۇمىس ىستەدىم جانە بىرنەشە جىل ىشىندە مامان پوزيتسياسىنان تاۋەكەل-مەنەدجمەنت بلوگىنىڭ اتقارۋشى ديرەكتورى لاۋازىمىنا دەيىن ءوستىم.
تسەنتركرەديت بانكى 2018 جىلى نەسيە تاۋەكەلى دەپارتامەنتىنە باسقارۋشىلىق لاۋازىمعا شاقىردى جانە مەن باسقارما توراعاسىمەن اقىلداسا وتىرىپ, بۇل ۇسىنىستى قابىل الدىم. جۇمىس ىستەگەن ءاربىر بانكتە وزىندىك وڭ ەرەكشەلىكتەر مەن كۇشتى جاقتارى بولدى, بىراق قازىرگى جۇمىس ورنىمدا كورپوراتيۆتىك مادەنيەتتىڭ قىر-سىرىن, سىن-قاتەرلەر مەن تاۋەكەلدەرگە ورايلى كوزقاراستى, كليەنتكە باعدارلانۋدى, يننوۆاتسيالارعا دايىندىقتى, ءوز قۇندىلىقتارىما ادالدىقتى انىق سەزىندىم. ۇجىم مەن باسشىلىقتان دا قولداۋدى تاپتىم.
بانك قىزمەتىندەگى تاۋەكەلدەر سان قىرلى: قارجىلىق تاۋەكەلدەن باسقا وپەراتسيالىق تاۋەكەل, نەسيە تاۋەكەلى, پورتفەل تاۋەكەلى, كومپلەانس-تاۋەكەل, اقپاراتتىق قاۋىپسىزدىك تاۋەكەلى جانە باسقا دا سىن-قاتەرلەر بار. شىن مانىندە, بانكتىڭ بارلىق قارجىلىق قىزمەتى تۇراقتىلىقتى ارتتىرۋ جانە تابىس تابۋ ماقساتىندا تاۋەكەلدەردى باسقارۋ بولىپ سانالادى. بىزدە تاۋەكەلدەردىڭ ءاربىر باعىتىن ءوز ءىسىنىڭ ماماندارى باسقارادى, بۇل بانكتىڭ قارجىلىق كورسەتكىشتەرىنەن ايقىن كورىنەدى.
بانك شاعىن جانە ورتا كاسىپكەرلەرگە كرەديت بەرۋدى دامىتۋعا ايتارلىقتاي كۇش جۇمسادى جانە قازىرگى ۋاقىتتا شوب ءۇشىن, ونىڭ ىشىندە مەملەكەتتىك باعدارلامالار شەڭبەرىندە جىلدام ونىمدەردى ۇسىنۋ بويىنشا كوشباسشى بولىپ سانالادى.
تابيعات وياناتىن, تۇرلەنەتىن جانە بارشا ايەل قاۋىمى قۇلپىرىپ شىعا كەلەتىن كوكتەم مەرەكەسىن ايرىقشا جاقسى كورەمىن. مەنىڭ ەسىمىم دە وسى مەرەكەنىڭ نەگىزىن قالاۋشىلاردىڭ ءبىرى سانالاتىن كلارا تسەتكينمەن اتتاس, تيىسىنشە وسى كۇنى ءوز ەسىمىمە قاتىستى كوپ ءازىل دە ەستىپ جاتامىن. كلارا تسەتكين قالىپتاستىرعىسى كەلگەن مەرەكەنىڭ ءمانى ايەل تەڭدىگى ءۇشىن كۇرەس بولدى جانە ول قازىر دە وزەكتى بولىپ قالا بەرەدى. دەگەنمەن نازىكتىك پەن سۇلۋلىقتى دارىپتەيتىن قازىرگى ءمانى دە ماعان ۇنايدى.
مەرەكەدە ەڭ ءبىرىنشى انامدى قۇتتىقتايمىن, ونى جاقسى كورەتىنىمدى ايتامىن. سوسىن سۇيىكتى اپكە-سىڭىلدەرىمدى, قۇربىلارىمدى, ارىپتەستەرىمدى قۇتتىقتايمىن. ارينە, ءتۇرلى سپا-پروتسەدۋرالار قابىلداپ, دەمالىپ, سەرۋەندەپ, مەرەكە كۇنى وزىمە دە جاعداي جاساۋعا تىرىسامىن.
قازاقستاننىڭ قارجى سەكتورى الدىنا ۇلكەن ماقسات قويعان ايەلدەردىڭ دامۋى ءۇشىن مول مۇمكىندىك اشىپ جاتىر دەپ ەسەپتەيمىن. بۇل سوزىمە قارجى سالاسىندا ايتارلىقتاي جەتىستىككە جەتىپ جۇرگەن ايەل ازاماتتار دالەل بولا الادى.
كلارا ەرماكباەۆا,
تسەنتركرەديت بانكى تاۋەكەل-مەنەدجمەنت ورتالىعىنىڭ باسقارۋشى ديرەكتورى
