وسى كورمەدە ەكى تاراپ وتكەن جىلدىڭ قىركۇيەگىندە قازاقستان پرەزيدەنتىنىڭ اقش-قا ساپارىندا جاسالعان Mastercard digital Country Partnership بەسجىلدىق كەلىسىمنىڭ باسىم باعىتتارىنىڭ ءبىرى – ءتۋريزمدى دامىتۋ جونىندەگى ىنتىماقتاستىقتىڭ كەلەشەگىن تالقىلاعان.
مەملەكەتتىك سەكتور بويىنشا جاھاندىق باسشى, Mastercard ستراتەگيالىق ءوسۋ جونىندەگى اتقارۋشى ۆيتسە-پرەزيدەنتى نيكولا ۆيللا, «Kazakh Tourism» ۇك» اق باسقارما توراعاسى قايرات سادۋاقاسوۆتى, Mastercard ەلىمىزدە شەتەلدىك جانە ىشكى ءتۋريزمدى دامىتۋ بويىنشا سەرىكتەس بولۋعا, Priceless.com. پلاتفورما ارقىلى الەمدە 3 ميللياردتان استام Mastercard شوتتارىنىڭ ۇستايتىندار اراسىندا تۋريستىك باعىت رەتىندە ءتۇرلى باعدارلامالاردى ىسكە اسىرۋدا تەحنولوگيالار, جاھاندىق ساراپتاما مەن قولداۋعا جانە قازاقستاندى ىلگەرىلەتۋگە دايىن ەكەندىگى تۋرالى حاباردار ەتتى. كەزدەسۋ بارىسىندا ىنتىماقتاستىقتىڭ وزگە باعىتتارى مەن جوبالارى دا تالقىلاندى.
وسىلايشا, ءىرى كورمە اياسىندا «Kazakh Tourism» ۇك» اق مەن Mastercard اراسىندا ىنتىماقتاستىق تۋرالى مامىلە جاسالدى.
قۇجات «Kazakh Tourism» ۇك» اق-نىڭ Mastercard تۋريستىك يننوۆاتسيالار ورتالىعىنا (Mastercard Tourism Innovation Hub) – ءتۋريزمنىڭ نەعۇرلىم ورنىقتى, يكەمدى جانە ينكليۋزيۆتى يندۋسترياسىن دامىتۋ ءۇشىن Mastercard باستاماسى بويىنشا ازىرلەنگەن پلاتفورماعا قوسىلۋدى قاراستىرادى. Mastercard Tourism Innovation Hub مۇشەلىگىنە جەكە ادامدار عانا ەمەس, مەملەكەتتىك سەكتوردىڭ وكىلدەرى وتە الادى. پلاتفورما تۋريزمگە بايلانىستى ىنتىماقتاستىق پەن ءبىلىم الماسۋعا ىقپال ەتىپ, ۇكىمەتتەردىڭ, بيزنەس, جەرگىلىكتى قاۋىمداستىقتارمەن قاتار, ساياحاتشىلاردىڭ سۇرانىستارىن قاناعاتتاندىراتىن شەشىمدەر جاساۋعا كومەكتەسەدى.
ىنتىماقتاستىقتىڭ الەۋەتتى باعىتتارى تۋريستىك سالانىڭ ستراتەگياسىن ازىرلەۋ ءۇشىن يننوۆاتسيالىق تاسىلدەردى پايدالانۋدى, تۋريستىك باعىتتار مەن كوممۋنيكاتسيالاردى برەندتەۋدى, تانىمال تۋريستىك مارشرۋتتاردىڭ تسيفرلىق جانە تولەم قىزمەتتەرىن دامىتۋدى, تۋريستىك باعىتتاردى دامىتۋعا ارنالعان ەكولوگيالىق ءتاسىلدى, رەسۋرستاردى تۇراقتى باسقارۋدى, تۋريزم سالاسىنداعى كادرلاردى, قاۋىپسىزدىكتى جانە جالپى دامىتۋدى قامتيدى.
سونداي-اق تاراپتار «Kazakh Tourism» ۇك» اق-قا Mastercard, Tourism Insights Platform-عا قولجەتىمدىلىكپەن بىرگە, الەمدىك تۋريستىك تالداۋلارعا, ونىڭ ىشىندە ساپاردى جوسپارلاۋدىڭ باسىنان باستاپ, ول اياقتالعاننان كەيىنگى كەرى بايلانىستى, ساياحاتتىڭ ءاربىر كەزەڭى بويىنشا دەرەكتەرگە قولجەتىمدىلىكتى ۇسىنۋدى تالقىلادى. سونىمەن قاتار جۇيە تۋريستەردىڭ جالپى سانىن, قانشا كۇن بولاتىنىن, تانىمال برونداۋ ورىندارى, شىعىنداردىڭ ورتاشا ەسەبى مەن باسەكەگە قابىلەتتى تۋريستىك نارىقتارعا بايلانىستى باسقا دا مالىمەتتەر الۋعا مۇمكىندىك بەرەدى.
«قازاقستاندا ەكولوگيالىق تۋريزمنەن ىسكەرلىك تۋريزمگە دەيىنگى بارلىق ءتۇرىن دامىتۋ ءۇشىن ايتارلىقتاي الەۋەتكە يە. بۇعان ەل اۋماعىنداعى ارحەولوگيالىق جانە تاريحي ەسكەرتكىشتەردىڭ باي تاريحى ىقپال ەتەدى. Mastercard-پەن ىنتىماقتاستىقتىڭ ارقاسىندا ءبىز ساراپتامالىق دەرەكتەرگە, وزىق حالىقارالىق تاجىريبەگە سۇيەنە وتىرىپ, ءوز سالامىزدى دامىتا الامىز», دەدى قايرات سادۋاقاسوۆ.
ء«بىزدىڭ قولداعى مالىمەتتەرىمىز كوروناۆيرۋس پاندەمياسىنان كەيىن تۋريستىك يندۋستريا بۇرىنعى كورسەتكىشتەرگە قايتا ورالعانىن, بۇكىل الەمدە ساياحات قايتا جاندانعاندىقتان, جاڭا باعىتتار مەن باعا جەتپەس تاجىريبە جيناۋدى قالايتىنىن كورسەتىپ وتىر. قازاقستاننىڭ ءتۋريزمنىڭ بارلىق ءتۇرىن دامىتۋ ءۇشىن جەتكىلىكتى مۇمكىندىكتەرى بار جانە ءبىز «Kazakh Tourism» ۇلتتىق كومپانياسىمەن جاسالعان كەلىسىمنىڭ ارقاسىندا جۋىق جىلداردا ەلدەگى تۋريستىك سالانىڭ زور الەۋەتىن ىسكە اسىرا الاتىنىنا سەنىمدىمىز», دەيدى نيكولا ۆيللا.
ءوز كەزەگىندە, ITB Berlin كورمەسى حالىقارالىق ءتۋريزمنىڭ قاي باعىتتا دامىپ وتىرعانىن, نەگىزگى تەندەنتسيالارىن كورسەتە الادى. كورمە ءتۇرلى سەمينارلار, سيمپوزيۋمدار, ساراپشىلارمەن كەزدەسۋلەر, باسپاسوزگە ارنالعان دوڭگەلەك ۇستەلدەرى مەن وزگە دە ءىس-شارالاردان بولەك, تۋريستىك يندۋستريانىڭ بارلىق سەگمەنتتەرىن ۇسىنىپ – حالىقارالىق تۋريزم فەدەراتسيالارىن, ۇلتتىق جانە ايماقتىق تۋريستىك ۇيىمدارىن, كولىك اگەنتتىكتەرى مەن تۋروپەراتورلاردى, قوناقۇيلەر, ساقتاندىرۋ كومپانيالارىن, تۋريستىك اگەنتتىكتەر, قوناقۇي مەنەدجەرلەرىن توعىستىرادى.
ال Mastercard – جەتەكشى جاھاندىق تولەم عانا ەمەس, تەحنولوگيالىق كومپانيا بولعاندىقتان, قازىرگى تاڭدا تولەمدەردى تسيفرلاندىرۋ ەسەبىنەن دامۋدىڭ ەكونوميكالىق ءوسۋىن ىنتالاندىرۋعا باعىتتالعان 60-تان استام ەلدە 1600-دەن استام مەملەكەتتىك جوبالاردى جۇرگىزىپ جاتىر.
كومپانيا قازاقستاندا 20 جىلدان اسا جۇمىس ىستەيدى جانە قولما-قول اقشاسىز ەكونوميكانى دامىتۋعا, الەمدىك تولەم يننوۆاتسيالارىن ەنگىزۋگە بەلسەندى تۇردە سەپتەسىپ كەلەدى.
الماتى
