«قىزىلوردا وبلىسىنىڭ پوليتسيا دەپارتامەنتى قىلمىستىق ءىس قوزعاپ, تەرگەۋ جۇرگىزىپ جاتقانىن حابارلايمىز. تەرگەۋ قۇپيالىعىنا بايلانىستى باسقا اقپارات جاريالانبايدى», دەلىنگەن حابارلامادا.
ەسكە سالايىق, 2020 جىلى الەۋمەتتىك جەلىدە سول كەزدەگى قىزىلوردا وبلىسىنىڭ اكىمى گۇلشارا ابدىقالىقوۆانىڭ اشۋىنا تيگەن جەرگىلىكتى تۇرعىننىڭ ۆيدەوسى تاراپ كەتكەن بولاتىن. ۆيدەودا وبلىس اكىمىنىڭ ساپارى كەزىندە نىساندارعا باراتىن جولدىڭ جابىلىپ, قوعامدىق كولىكتەردىڭ جۇرۋىنە شەكتەۋ قويىلعانى ايتىلادى. بۇعان اشۋلانعان تۇرعىندار بۇل ماسەلەنى گۇلشارا ابدىقالىقوۆاعا جەتكىزۋ ءۇشىن ونىڭ جولىن بوگەپ تاستايدى. الايدا, اكىم اشۋلى تۇرعىندارمەن تىلدەسىپ, ءمان-جايدى تۇسىندىرمەدى.«جولدارىڭىزدى جاۋىپ تاستاعان مەن ەمەسپىن», - دەپ تۇرعىندارعا قىسقاشا جاۋاپ بەردى دە, قارا كولىگىنە وتىرىپ, كەتىپ قالدى. ايەلدەردىڭ ءبىرى ونىڭ ارتىنان ايقايلادى: «سەن كىمسىڭ, حالىقتى تىڭداعىڭ كەلمەيدى؟ حاننىڭ قىزى نەمەسە نە؟» سودان بەرى ابدىقالىقوۆاعا «حاننىڭ قىزى» دەگەن لاقاپ ات بەرىلگەن ەدى.
