بالالار قوناەۆ قالاسىنداعى وقۋ-ساۋىقتىرۋ ورتالىعىنا بارىپ ورنالاسىپ, ورتالىقپەن تانىسقان سوڭ قارۋلى كۇشتەردىڭ ۇلتتىق اسكەري-پاتريوتتىق ورتالىعىنىڭ باسشىسى, قازاقستاننىڭ ەڭبەك سىڭىرگەن قايراتكەرى ارمان اسەنوۆپەن, «جاس سارباز» رەسپۋبليكالىق اسكەري-پاتريوتتىق قوزعالىسىنىڭ توراعاسى مايور مەيىربەك مەڭدىعاليەۆپەن كەزدەستى.
ەرلىك ساباعىندا بالالارعا «جاس سارباز» بالالار-جاسوسپىرىمدەر قوزعالىسى, «ايبىن» جاستاردىڭ اسكەري-پاتريوتتىق سلەتى, ونىڭ داستۇرلەرى جانە وعان قاتىسۋ مۇمكىندىكتەرى تۋرالى كەڭىنەن ايتىلدى. ۇيىمداستىرۋشىلار بالالاردىڭ مەرەكەسىن تانىمدىق, قىزىقتى ەتىپ وتكىزۋگە تىرىستى. ولاردىڭ وقۋىندا ءۇزىلىس بولمايدى.
وقۋشىلارعا مەكتەپتەگى پاندەر بويىنشا ساباقتار ۇيىمداستىرىلادى. قورعانىس جانە ءبىلىم مينيسترلىكتەرىنىڭ جاستارعا اسكەري-پاتريوتتىق تاربيە بەرۋدى جەتىلدىرۋ جونىندەگى بىرلەسكەن جوسپارى وسىلايشا جۇزەگە اسۋدا. بيىل «بالداۋرەن» وقۋ-ساۋىقتىرۋ ورتالىعى مەن ونىڭ قالالارداعى فيليالدارىنا اسكەري قىزمەتكەرلەردىڭ بالالارىنا ارنالعان مىڭنان استام كۆوتا ءبولىندى.
ماڭعىستاۋ وبلىسى
