Tengrinews.kz مالىمەتىنشە, اتىشۋلى ءىس بويىنشا تىڭداۋ ءاليحان بوكەيحان اۋداندىق سوتىندا وتەدى. سوت وتىرىسىنا سوتتالۋشى نۇربولات داكەباەۆ جەتكىزىلدى.
جابىرلەنۋشىنىڭ ادۆوكاتى باعداد حاسەنوۆ نۇربولات داكەباەۆتىڭ جەدەل جاردەم جۇرگىزۋشىسىنە كەلتىرگەن جاراقاتىنىڭ جەڭىل ەمەس ەكەنىن دالەلدەۋ ءۇشىن جاڭا ساراپتاما تاعايىنداۋ تۋرالى سوتقا ارىز جازباق نيەتتە ەكەنىن ايتتى. ادۆوكات جابىرلەنۋشىگە تاعى دا وتا جاسالاتىنىن اتاپ ءوتتى.
سوت وتىرىسىندا جاۋاپكەر داكەباەۆ ايىپتاۋ اكتىسى مەن ازاماتتىق تالاپ-ارىزدى الماعانىن ايتتى. سوت 10 مينۋتتىق ءۇزىلىس جاريالادى.
نۇربولات داكەباەۆقا قاتىستى قىلمىستىق ءىس قر قك-ءنىڭ 293-بابى 1-بولىگى «بۇزاقىلىق» بويىنشا سوتقا كەلىپ ءتۇستى, ال باستاپقىدا تەرگەۋ قك-ءنىڭ 107-بابى 2-بولىگى 5-تارماعى بويىنشا «بۇزاقىلىق نيەتپەن دەنساۋلىققا قاساقانا اۋىرلىعى ورتاشا زيان كەلتىرۋ» بويىنشا جۇرگىزىلدى.
