اشىلۋ سالتاناتىندا ءسوز العان سپيكەرلەردىڭ بارلىعى مەملەكەت تاراپىنان سوت جۇيەسىن دامىتۋعا ەرەكشە كوڭىل ءبولىنىپ وتىرعانىن اتاپ ءوتتى.
ءوز سوزىندە ا.مەرعاليەۆ بۇعان دەيىن اۋداندىق سوت 1966 جىلى سالىنعان اۋماعى ستاندارتقا سايكەس ءۇش ەسە از تار عيماراتتا ورنالاسقانىن اتاپ ءوتتى. سوتتالۋشىلارعا, كەلۋشىلەرگە, سوت وتىرىسىنا قاتىسۋشىلارعا جانە تاعى باسقا ءۇشىن سوت زالدارى جەتكىلىكسىز بولدى. عيماراتتا قاراپايىم تۇرمىستىق جاعدايلار جوق بولدى جانە جەر سىلكىنىسى قاۋپى بار دەپ تانىلدى.
بۇدان سوڭ جوعارعى سوت توراعاسى 1,492 م2 جاڭا عيماراتتىڭ ەستەتيكالىق جانە ساۋلەتتىك كەلبەتىنە توقتالدى. وندا سوت تورەلىگىن جۇزەگە اسىرۋدىڭ زاماناۋي ستاندارتتارى ەسكەرىلگەن جانە پروتسەسكە قاتىسۋشىلارعا, ەڭ باستىسى, قۇقىقتارى مەن زاڭدى مۇددەلەرىن قورعاۋ ءۇشىن سوتقا جۇگىنەتىن اۋدان تۇرعىندارىنا بارلىق جاعداي جاسالعان.
ە.كوشەرباەۆ سوت عيماراتىنىڭ اشىلۋىن اۋدانداعى جارقىن وقيعا دەپ اتاپ وتە كەلە, سوت جۇيەسىندە جۇرگىزىلىپ جاتقان وزگەرىستەردىڭ تيىمدىلىگىن ايتىپ ءوتتى. سونىڭ ىشىندە, وڭىردە تاراپتاردىڭ سوتقا دەيىنگى تاتۋلاسۋىمەن اياقتالاتىن ازاماتتىق ىستەر, سونداي-اق اكىمشىلىك ىستەر بويىنشا – تاتۋلاستىرۋعا بايلانىستى تالاپ قويۋلاردى قايتارىپ الۋدىڭ ارتۋى بايقالاتىنىنا توقتالدى.
م.كومىرشينوۆ سۋديالاردىڭ سوت تورەلىگىن ساپالى جۇزەگە اسىرۋعا, ال اۋداندىق سوت قىزمەتكەرلەرى سوت اكىمشىلىگى قىزمەتىن كورسەتۋگە بار كۇش-جىگەرلەرىن سالاتىنىنا سەنىم ءبىلدىردى.
سالتاناتتى ءىس-شارانىڭ قوناقتارى مەن قاتىسۋشىلارى جاڭا عيماراتتىڭ ءىشىن ارالاپ كوردى. سونداي-اق ا.مەرعاليەۆ پەن ن.احمەتزاكيروۆ وبلىستىڭ سوت كورپۋسىمەن كەزدەستى. كەڭەستە وبلىستىق سوتتىڭ القا توراعالارى ءادىل باكين, دۋلات سالاتوۆ جانە تولەندى قاسىموۆ, سونداي-اق وبلىستىق سوتتىڭ توراعاسى مانات كومىرشىنوۆ ءوز جۇمىستارىنا توقتالدى.
قازاقستان رەسپۋبليكاسى جوعارعى سوتىنىڭ توراعاسى سوت جۇيەسى قىزمەتىنىڭ باسىم باعىتتارى: سوتتاردىڭ كادرلىق, ماتەريالدىق-تەحنيكالىق الەۋەتىن نىعايتۋ, سالاعا كاسىبي مىقتى زاڭگەرلەردى تارتۋ ءۇشىن سۋديالاردىڭ تاۋەلسىزدىگىن قامتاماسىز ەتۋ تۋرالى حاباردار ەتتى. سىبايلاس جەمقورلىق كورىنىستەرىن جويۋ, ادامدارعا ىلتيپاتپەن قاراۋ, مەملەكەتتىك قىزمەتشىلەردىڭ ەتيكالىق نورمالارى مەن مىنەز-ق ۇلىق ستاندارتتارىن ساقتاۋ قاجەتتىلىگىنە ەرەكشە نازار اۋدارىلدى.
جيىن سوڭىندا جوعارعى سوت توراعاسى وبلىستىق سوتتىڭ وتستاۆكاداعى سۋديالارى التايبەك انۋاربەكوۆ پەن توعجان كيرەەۆانى ء«مىنسىز قىزمەتى ءۇشىن» مەدالىمەن ماراپاتتادى.
