وسى جارىستا الماتى قالاسىنىڭ نامىسىن قورعاعان وقۋشىلار ءبىراز جۇلدەنى جەڭىپ الدى. №124 مەكتەپتىڭ «Team 124» كومانداسى «Winning Alliance 2nd pick» جانە «think award 2st place» اتالىمدارىمەن قوسا, لوندوندا وتەتىن حالىقارالىق «UK first championship 2024» جارىسىنا, ال №206 مەكتەپ-گيمنازياسىنىڭ وقۋشىسى توميريس وڭعاربەك اقش-تىڭ حيۋستون قالاسىندا وتەتىن «2024 FIRST Championship, Houston» جارىسىنا قاتىسۋعا جولداما جەڭىپ الدى.
ەلوردادا وتكەن الامان جارىستا الماتىنىڭ «Qazaq Style» كومانداسى (№62, №119, №124, №200, №81, №202 مەكتەپ وقۋشىلارى) «think award 1st place», «Best Pit Award» جۇلدەلەرىن, №81 مەكتەپ-گيمنازياسىنىڭ «Redstone» قۇراما كومانداسى «connect award 3rd place» اتالىمىندا توپ جاردى.
الماتىداعى ءبىلىم-يننوۆاتسيا ليتسەيى مەن م.بازارباەۆ اتىنداعى №138 گيمنازيا وقۋشىلارىنان قۇرالعان «Sana team» كومانداسى «motivate award winner» پەن «Best Mascot finalist», «Best Uniform Award finalist» اتتى اتاۋلى سىيلىقتارعا لايىقتى دەپ تابىلسا, №178 ليتسەيىنىڭ «zok Junoirs» كومانداسى «innovate award 3rd place» اتالىمىن, م.ماقاتاەۆ اتىنداعى №140 گيمنازيانىڭ «uly dala» قۇراما كومانداسى First Lego League باعىتىنداعى بەدەلدى «breakthrough award» جۇلدەلەرىن يەلەندى.
الماتىلىقتاردىڭ جەڭىسى مۇنىمەن شەكتەلمەيدى. جەڭىس تۇعىرىنان كورىنگەن مەكتەپ تۇلەكتەرى, سونداي-اق ەلىمىزدىڭ بەدەلدى جوعارى وقۋ ورىندارىنىڭ گرانتتارىن دا جەڭىپ العان.
مىسالى, ق.ساتباەۆ ۋنيۆەرسيتەتىنىڭ تاڭداۋى – بيل ليتسەيىنىڭ وقۋشىسى سپانديار تۇياقباي مەن №39 مامانداندىرىلعان ليتسەيىنىڭ وقۋشىسى ماليكوۆ مەيىرجانعا ءتۇسىپتى.
ال اۋەس – م.بازارباەۆ اتىنداعى №138 گيمنازيا وقۋشىسى امانگەلدى شولپان, №81 مەكتەپ-گيمنازيا وقۋشىسى ءالراحات ءۇمىتحان, №140 م.ماقاتاەۆ اتىنداعى گيمنازيا وقۋشىسى نۇريلا بەردالى مەن ءمولدىر بەكەنقىزى, №178 مامانداندىرىلعان ليتسەيىنىڭ وقۋشىسى ولجاس سانات ۇلى سىندى تالانتتاردى ستۋدەنت رەتىندە قابىلداۋعا دايىن.
سونىمەن قاتار ەۋروپالىق وقۋ ورىندارىنا 100% جەڭىلدىكپەن تۇسۋگە كەپىلدىك بەرەتىن قولداۋ گرانتى №200 مەكتەپ-گيمنازياسىنىڭ وقۋشىسى ميرا دەمەۋعاليەۆا مەن №178 مامانداندىرىلعان ليتسەيىنىڭ وقۋشىسى الۋا تولەندىگە بۇيىردى.
الماتى
