فوتو: mail.kz
مينيسترلىك 2023 جىلدىڭ قورىتىندىسى بويىنشا مۇگەدەكتىگى بار ادامدارعا ينۆاتاكسي قىزمەتى 53,9 مىڭ رەت كورسەتىلگەنىن ەسكە سالدى.
ينۆاتاكسي قىزمەتىنىڭ ساپاسى مەن كورسەتۋ جىلدامدىعىن ارتتىرۋ ماقساتىندا ەڭبەكمينى اكىمدىكتەرمەن بىرلەسىپ وسى قىزمەتتىڭ تەتىگىنە وزگەرتۋ ەنگىزۋ تۋرالى شەشىم قابىلدادى.
«شارتتاردى جەڭىلدەتۋ ءۇشىن وسى قىزمەتتى كورسەتۋگە قاتىسۋعا ءتيىستى سۇرانىس العان تاكسي اگرەگاتورلارىن تارتۋ بويىنشا پيلوتتىق جوباعا باستاما جاسالدى. مۇنداعى باستى شارت ساپارلاردىڭ اقىسىنان پايىزدىڭ بولماۋى, ولار ادەتتە اگرەگاتور پلاتفورمالارىنىڭ پايداسىنا اۋدارىلاتىن. ياندەكس كومپانياسى پيلوتتىق جوباعا وتەۋسىز نەگىزدە قاتىسۋعا نيەت ءبىلدىردى», دەلىنگەن ۆەدومستۆو حابارلاماسىندا.
پيلوتتىق جوبا اياسىندا ازاماتتار ياندەكس Go ءموبيلدى قوسىمشاسى ارقىلى ينۆاتاكسي قىزمەتىن قولدانا الادى. بۇل قىزمەتتى الۋشى ءۇشىن كولىكتى تەزىرەك تاڭداۋعا, ونلاين رەجيمىندە تاپسىرىس مارتەبەسىن قاداعالاۋعا جانە جاسالعان ساپارلارعا مونيتورينگ جۇزەگە اسىرۋعا مۇمكىندىك بەرەدى. اتالعان قوسىمشادا مۇگەدەكتىگى بار ادامدار جۇرگىزۋشىگە ساپارداعى ەرەكشە قاجەتتىلىكتەرى تۋرالى ەسكەرتۋى ءۇشىن ارنايى مۇمكىندىكتەر ەكرانى ىسكە قوسىلدى. ءوز كەزەگىندە, جۇرگىزۋشىلەر ادامدى كولىككە وتىرعىزۋ جانە ودان تۇسۋدە قالاي كومەك كورسەتۋگە بولاتىن سەكىلدى ارنايى نۇسقاۋلار الادى.
پيلوتتىق جوباعا العاشقى كەزەڭدە استانا جانە الماتى قالالارىنان مۇگەدەكتىگى بار ادامداردىڭ فوكۋس-توبى قاتىسادى.
جوبا 2024 جىلى دا جالعاسادى, بولاشاقتا جاڭا فورماتتا قىزمەت كورسەتۋدى مۇگەدەكتىگى بار ادامداردىڭ باسقا توپتارىنا كەڭەيتۋ جانە ەلدىڭ بارلىق وڭىرلەرىندە كەڭىنەن قولدانۋ جوسپارلانىپ وتىر.
