فوتو: Qazaqstan.tv
«استانا-ىستامبۇل-بارسەلونا-مالوركا-مالاگا باعىتىنا شىققان ۇشاق استانادان كەشىگىپ ۇشىپ, جانىبەك رەيستەردىڭ بارىنەن كەشىگىپ قالعان. بىراق بالامىز ءوزى ايتقانداي, جولى بولعىش بالا ەكەن, تۇرىك اۆياكومپانياسى ءۇش رەت ۇشاق اۋىستىرىپ جەتەتىن جەرىنە ءبىر عانا ۇشاقپەن جەتەتىندەي ەتىپ جاعداي جاساپ, تاماعىن بەرىپ, ىستامبۇلدان مالاگاعا ءبىر-اق جەتەتىن ەتىپ بيلەتىن اۋىستىرىپ بەرگەن. ادامعا ادام سەكىلدى قاراعان تۇرىك اعايىنعا مىڭ العىس!», دەپ جازدى ول.
قىمبات دوسجاننىڭ جازۋىنشا, ەندى باعدارلاما قىزمەتكەرلەرى جانىبەكتىڭ اكەسىن ىزدەۋگە كوشتى.
«بالامىزدىڭ اناسى نەمەسە اكەسى (ەندى اكەسىن ىزدەيمىز دەپ ناقتى شەشىم قابىلداپ وتىرمىز) تەز تابىلسا ەكەن دەپ تىلەيمىن. اسەل ەكەۋمىز بالانى ءار كورگەن سايىن, سويلەسكەن سايىن «تەگى جاقسى, ءتىپتى مىقتى تەكتەن» ەكەندىگىنە كوز جەتكىزەمىز», دەپ تۇيىندەدى جۋرناليست.
