فوتو: وقۋ-اعارتۋ مينيسترلىگى
«مەملەكەت باسشىسىنىڭ تاپسىرماسىنا سايكەس وسى سالاداعى ءۇش عىلىمي باعدارلامامەن جۇمىس ىستەۋدەمىز, ناقتى ايتقاندا, ولار: ورتا ءبىلىم بەرۋ جۇيەسىندە ينكليۋزيۆتىلىك پەن قولجەتىمدىلىكتى قامتاماسىز ەتۋدىڭ تۇجىرىمدامالىق مودەلى, مەكتەپ وقۋشىلارىن كاسىپتىك باعدارلاۋدىڭ ينكليۋزيۆتىلىگىن قامتاماسىز ەتۋدىڭ ۇيىمداستىرۋشىلىق-ادىسنامالىق نەگىزدەرى جانە ەرەكشە ءبىلىم بەرۋ قاجەتتىلىگى بار بالالاردى ۇزدىكسىز پسيحولوگيالىق-پەداگوگيكالىق سۇيەمەلدەۋ. بۇل زەرتحانا ءبىلىم بەرۋدىڭ قولجەتىمدىلىگى مەن ينكليۋزيۆتىلىگىن قامتاماسىز ەتۋدە مۇعالىمدەر ءۇشىن كومەكشى رەسۋرس بولادى جانە بۇل ينكليۋزيۆتى ءبىلىم بەرۋدى دامىتۋعا ەلەۋلى ۇلەس قوسارى داۋسىز», دەپ اتاپ ءوتتى اكادەميانىڭ ينكليۋزيۆتى ءبىلىم بەرۋ ورتالىعىنىڭ ديرەكتورى سۆەتلانا يسماگۋلوۆا.
ۆيرتۋالدى زەرتحانا – ونلاين وقىتۋ مەن بەينەكونفەرەنتسيالاردى جازۋعا ارنالعان زاماناۋي جابدىق. زەرتحانادا بولاشاق پەداگوگتەردى دايارلاۋ بويىنشا جوو پروفەسسورلىق-وقىتۋشىلىق قۇرامى جانە بىلىكتىلىكتى ارتتىرۋ كۋرستارىنىڭ ترەنەرلەرى ءۇشىن پەداگوگتەردىڭ ينكليۋزيۆتى پراكتيكانى ىسكە اسىرۋعا دايىندىعىن قامتاماسىز ەتۋ بويىنشا وقىتۋ كۋرستارىن وتكىزۋ جۇمىستارى ۇيىمداستىرىلادى. سونداي-اق ۆيرتۋالدى زەرتحانا قىزمەتى شەڭبەرىندە قوعامدا ينكليۋزيۆتى مادەنيەتتى قالىپتاستىرۋ بويىنشا ماتەريالدار ازىرلەۋ جوسپارلاندى.
