ت.ابىلداەۆ جىل سايىن مەديتسينالىق ساقتاندىرۋ ەسەبىنەن كارديوحيرۋرگيا, نەيروحيرۋرگيا, ۋرولوگيا, تراۆماتولوگيا, ونكولوگيا, حيرۋرگيا سياقتى باسقا پروفيلدەر بويىنشا مىڭداعان وپەراتسيا جاسالاتىنىن ايتتى. مۇنداي وپەراتسيالار كۇردەلىلىگىنە بايلانىستى كۇندەلىكتى قالا ەمحانالارى مەن عىلىمي ورتالىقتارى دەڭگەيىندە دە ورىندالۋى مۇمكىن.
«مىسالى, 2023 جىلى ءمامس ارقىلى 134 مىڭنان اسا وپەراتسيا جاسالىپ, وعان 78 ملرد تەڭگە تولەنگەن. ونىڭ ىشىندە جوعارى تەحنولوگيالاردىڭ كومەگىمەن جاسالاتىن وپەراتسيالار مەن مانيپۋلياتسيالارعا قور 21,7 ملرد تەڭگە تولەدى. ساقتاندىرىلماعان ازاماتتار وسىنداي وپەراتسيالاردى جاساتاتىن بولسا, قالتاسىنان بىرنەشە ملن تولەگەن بولار ەدى», دەدى ت.ابىلداەۆ.
وتكەن جىلى الماتى قالاسىندا 1 841 كارديوحيرۋرگيالىق وپەراتسيا, 562 نەيروحيرۋرگيالىق وپەراتسيا, لور-ءپروفيلى بويىنشا 250 وپەراتسيا جاسالعان.
«كەيىنگى كەزدە ارتروز, ارتريت سىندى بۋىن اۋرۋلارىنىڭ كوبەيۋىنە بايلانىستى تىزە, جامباس بۋىندارىن الماستىرۋشىلار سانى كۇرت كوبەيگەنى بەلگىلى. 2023 جىلى الماتىلىق تراۆماتولوگتەر وسىنداي 4 670 وپەراتسيا جاساعان. وعان مسق 6,9 ملرد تەڭگە تولەدى», دەيدى فيليال ديرەكتورى.
سونىمەن قاتار اعزا الماستىرۋ وپەراتسيالارى دا ءمامس پاكەتى ارقىلى قارجىلاندىرىلادى. 2023 جىلى قۇنى 565,6 ملن تەڭگەدەن اساتىن 95 ترانسپلانتاتسيا جاسالدى. مۇنداي ءبىر عانا وپەراتسيانىڭ ءوزى ورتا ەسەپپەن العاندا 7-9 ملن تەڭگە تۇرادى. وسى قىزمەتتەردىڭ ءبارىن ساقتاندىرىلعان ازاماتتار ءمامس ارقىلى قيىندىقسىز پايدالانىپ كەلەدى.
بيىل الماتى قالاسى دەنساۋلىق ساقتاۋ سالاسىنىڭ بيۋدجەتى 334,2 ملرد تەڭگەنى قۇراپ وتىر. ونىڭ 158,5 ملرد تەڭگەسى ءمامس پاكەتىنە تيەسىلى. فيليالدىڭ ءباسپاسوز قىزمەتى تاراتقان حابارلاماعا سۇيەنسەك, قازىرگى تاڭدا قور بىلتىر قالا تۇرعىندارىنا كورسەتىلگەن مەديتسينالىق قىزمەت اقىسىن تولىق تولەپ بولدى. بارلىق ەمدەۋ مەكەمەسى اۆانس الدى.
«2024 جىلى وڭتۇستىك استانالىقتار مەديتسينالىق كومەكتى 213 ەمدەۋ مەكەمەسى ارقىلى الا الادى, ونىڭ 122-ءسى – جەكەمەنشىك. بيىل قىزمەت كورسەتۋشىلەر سانى جاڭا ون كلينيكامەن تولىقتى. ولاردىڭ دەنى – باستاپقى مەديتسينالىق-سانيتارلىق كومەك كورسەتەتىن مەكەمەلەر, ياعني ەمحانالار مەن ستوماتولوگيالىق كلينيكالار. بۇل تىزىممەن fms.kz سايتى ارقىلى تانىسۋعا بولادى», دەپ اتاپ ءوتتى ت.ابىلداەۆ.
بيىلدان باستاپ قور مەن مەديتسينا ۇيىمدارىنىڭ جۇمىسىندا كوپتەگەن ۇدەرىس وڭتايلاندىرىلا باستادى. بىرىنشىدەن, قارجىنى مەديتسينا ۇيىمدارى اراسىندا بولىسكە سالۋ ءىسى تولىعىمەن اۆتوماتتاندىرىلدى. بۇل قارجىلاندىرۋدى بارىنشا تەزدەتۋگە مۇمكىندىك بەرەدى.
«مەملەكەت باسشىسىنىڭ تاپسىرماسى بويىنشا بىرىڭعاي قىزمەت پاكەتىن كەزەڭ-كەزەڭمەن قالىپتاستىرۋ جۇمىستارى قولعا الىندى. قازىردىڭ وزىندە ءۇش نەمەسە ودان دا كوپ كەلىسىمشارتتىڭ ورنىنا ءبىر كەلىسىمشارت, قوس قارجىلاندىرۋ كوزىنىڭ ورنىنا ءبىر پۋلدى پايدالانۋ جوباسى جۇزەگە اسىرىلىپ جاتىر. بۇل باسى ارتىق قاعازباستىلىقتان ارىلتىپ, اسىرەسە دارىگەرلەردىڭ جۇمىسىن جەڭىلدەتەدى. مۇنىڭ پاتسيەنتتەرگە كەرى اسەرى بولمايدى, ولار مەديتسينالىق كومەك تۇرلەرىن بۇرىنعىشا پايدالانا بەرمەك», دەدى فيليال ديرەكتورى.
الماتى
