جوعارىداعى كورسەتكىشتىڭ ناتيجەسىندە قازاقستاننىڭ ورەندەرى جالپى كوماندالىق ەسەپتە ەكىنشى ورىندى يەلەندى. الدىمىزدا جاپونيا قۇراماسى. كۇنشىعىس ەلىنىڭ وكىلدەرى 36 التىن, 20 كۇمىس جانە 15 قولانى ەنشىلەدى. بارلىعى – 71 جۇلدە. ال سارى قۇرلىقتىڭ وزگە الپاۋىتتارى ارتىمىزدان سىعالاپ قالدى.
ءبىز بۇعان دەيىن وتانداستارىمىزدىڭ العاشقى كۇندەردەگى ناتيجەلەرىمەن تانىستىرعان ەدىك. جارىستىڭ سوڭعى تاۋلىگىندە ادىلبەك مۋسين (50 مەتر, باتتەرفلياي), كسەنيا يگناتوۆا (200 مەتر, شالقالاپ ءجۇزۋ), سوفيا سپودارەنكو (50 مەتر, باتتەرفلياي), ەگور پوپوۆ (200 مەتر, شالقالاپ ءجۇزۋ), سوفيا ابۋبكىروۆا (50 مەتر, باتتەرفلياي) جانە ماكسيم سكازوبتسوۆا (50 مەتر, باتتەرفلياي) التىن السا, ديانا تاسجانوۆا (200 مەتر, شالقالاپ ءجۇزۋ) كۇمىسپەن كۇپتەلدى. ارسەن قوجاحمەتوۆ (200 مەتر, براسس) پەن دانيل چەرەپانوۆ (100 مەتر, ەركىن ءتاسىل) قولاعا قول سوزدى. ءبىر ايتا كەتەرلىگى, ءدۇبىرلى دودادا وتاندىق جۇزۋشىلەرىمىز ازيانىڭ 14 جانە قازاقستاننىڭ 3 رەكوردىن جاڭارتتى.
جۇزۋشىلەردىڭ جارىسى اياقتالعان بەتتە سۋعا سەكىرۋشىلەردىڭ سايىسى باستالدى. ودان كەيىن ارتيستىك ءجۇزۋ مەن سۋ دوبىنان باسەكەلەر وتەدى. ازيا چەمپيوناتى 9 ناۋرىزدا ءوز مارەسىنە جەتەدى.
