جارىس بارىسىندا ول چەحيالىق توماش ماحاچ پەن يرجي لەگەچكا جانە نيدەرلاندتىق تاللون گريكسپۋردى ۇتىپ, جارتىلاي فينالدا توپ-5 تەننيسشىنىڭ قاتارىنداعى رەسەيلىك اندرەي رۋبلەۆپەن جولىقتى. ولار 2,5 ساعات بويى ارپالاستى. العاشقى ەكى سەتتە 7:6 ەسەبىمەن ەكەۋى الما-كەزەك جەڭىسكە جەتتى. ۇشىنشىسىندە بۋبليك 6:5 ەسەبىمەن الدا كەلە جاتتى. سول مەزەتتە رۋبلەۆتىڭ جۇيكەسى سىر بەرىپ, ول تورەشىنى بالاعاتتادى. سول ءۇشىن دە جارىستان شەتتەتىلدى. فينالدا بۋليك اتر تىزىمىندە 18-ورىندا تۇرعان فرانتسيالىق ۋگو ۋمبەرمەن كەزدەستى. بۇل باسەكە قارسىلاسىنىڭ پايداسىنا شەشىلدى – 4:6, 3:6.
ال ۇندىستاندىق انكيتا راينامەن جۇپتاسىپ ويناعان جىبەك قۇلامباەۆا اتالعان مەملەكەتتىڭ گۋرگاون قالاسىندا وتكەن جارىستىڭ جەڭىمپازى اتاندى. فينالدا ولار جاكلين كاباي اۆاد (شۆەتسيا) مەن يۋستين ميكۋلسكيتەدەن (ليتۆا) باسىم ءتۇستى – 6:4, 6:2.
