فوتو: اسەت قۇنداقباەۆ
ايتا كەتسەك قالالىق جانە اۋداندىق شاقىرۋ كوميسسيالارىنىڭ جۇمىسى جەرگىلىكتى اتقارۋشى ورگاندار اكىمدەرى ورىنباسارلارىنىڭ باسشىلىعىمەن جۇرگىزىلەدى.
«2024 جىلدىڭ 30 ماۋسىمىنا دەيىن قارۋلى كۇشتەردىڭ, باسقا دا اسكەرلەر مەن اسكەري قۇرالىمداردىڭ قاتارىن 18 بەن 27 جاس ارالىعىنداعى 20 مىڭعا تارتا ازامات تولىقتىرادى. قارۋلى كۇشتەرگە 10 000-عا جۋىق, ۇلتتىق ۇلانعا – 6 500-دەن استام, ۇقك شەكارا قىزمەتىنە – 3 000-داي, توتەنشە جاعدايلار مينيسترلىگىنە جانە مەملەكەتتىك كۇزەت قىزمەتىنە – 500-دەن اسا ازاماتتى شاقىرۋ جوسپارلانىپ وتىر», دەدى پولكوۆنيك ا. دوسىموۆ.
اسكەرگە شاقىرىلاتىنداردى حاباردار ەتۋ جەكە شاقىرۋ قاعازدارىن ۇيلەرىنە نەمەسە قىزمەتتىك مەكەنجايلارىنا جىبەرۋ ارقىلى جۇزەگە اسىرىلادى.
پولكوۆنيك فارحات ايدارباەۆ مەرزىمدى اسكەري قىزمەتتى دارىپتەۋ بارىسىندا مەملەكەت قابىلداعان شارالارعا توقتالدى.
مەرزىمدى اسكەري قىزمەتتىڭ تارتىمدىلىعىن ارتتىرۋعا باعىتتالعان مەملەكەت باسشىسىنىڭ تاپسىرماسىن ورىنداۋ ماقساتىندا ساربازدارعا «كرەديتتىك دەمالىس» بەرۋ جوباسى ءساتتى جۇزەگە اسىرىلىپ جاتىر. ماسەلەن, بۇگىنگى تاڭدا 2,3 ملرد تەڭگە سوماسىنا 6 مىڭنان استام اسكەري قىزمەتشىنىڭ تولەمدەردى كەيىنگە قالدىرىلدى.
«پرەزيدەنتتىڭ ارميادا جۇمىسشى ماماندىعىن ۇيرەتۋ تۋرالى تاپسىرماسى ىسكە اسىرىلىپ جاتىر. قارۋلى كۇشتەردىڭ, باسقا دا اسكەرلەر مەن اسكەري قۇرالىمداردىڭ وقۋ ورتالىقتارىندا اسكەري-ەسەپتىك ماماندىقتار بويىنشا دايارلىق جۇرگىزىلەدى. وقۋ اياقتالعاننان كەيىن ءار اسكەري قىزمەتشى مەملەكەتتىك ۇلگىدەگى كۋالىك الادى. اسكەردەن كەيىن وسىنداي ماماندىق مەڭگەرگەندەردىڭ جۇمىسقا ورنالاسۋ مۇمكىندىگى كوبىرەك. بۇعان قوسا كەلىسىمشارت بويىنشا اسكەري قىزمەتكە كىرۋ مۇمكىندىگى دە قاراستىرىلعان», دەپ ءتۇسىندىردى دەپارتامەنت باستىعىنىڭ ورىنباسارى پولكوۆنيك ف.ايدارباەۆ.
