فوتو: akorda.kz
ەرلان قوشانوۆتىڭ ايتۋىنشا, جوسپارلانعان وزگەرىستەردى زاڭنامالىق تۇرعىدا قامتاماسىز ەتۋ جونىندەگى مەملەكەت باسشىسىنىڭ جۇكتەگەن بارلىق مىندەتى ءتيىستى دەڭگەيدە جانە ۋاقىتىلى ورىندالىپ جاتىر.
ماسەلەن, سوڭعى ەكى ايدا عانا ءماجىلىس 18 زاڭ قابىلداپ, سەناتتىڭ قاراۋىنا جىبەرگەن. اتاپ ايتقاندا, وتباسىلىق-تۇرمىستىق زورلىق-زومبىلىققا قارسى ءىس-قيمىل, تسيفرلاندىرۋ, عىلىم, بيزنەس جۇرگىزۋ, مەديتسينا قىزمەتكەرلەرىنىڭ جاۋاپكەرشىلىگىن ساقتاندىرۋ, ترانسفەرتتىك باعا بەلگىلەۋ, حالىقتىڭ كوشى-قون ماسەلەلەرى سەكىلدى قۇقىقتىق نورمالارعا تۇزەتۋلەر ەنگىزىلگەن.
ەرلان قوشانوۆتىڭ ايتۋىنشا, قازىرگى ۋاقىتتا پرەزيدەنتتىڭ تاپسىرماسىن ورىنداۋ ماقساتىندا دەپۋتاتتار بيۋدجەت, سۋ, قۇرىلىس كودەكستەرى, سونداي-اق بىرقاتار ماڭىزدى زاڭ جوبالارى بويىنشا ءبىر مەزەتتە جۇمىس جۇرگىزىپ جاتىر. ەنگىزىلگەن ءاربىر جاڭا وزگەرىستى ساراپشىلار مەن جۇرتشىلىق كەڭ كولەمدە تالقىلايدى, پالاتانىڭ بارلىق ءىس-شاراسىنا بۇقارالىق اقپارات قۇرالدارى مەن مۇددەلى ۇكىمەتتىك ەمەس ۇيىمداردىڭ وكىلدەرى كەدەرگىسىز قاتىسا الادى.
سونىمەن قاتار مەملەكەت باسشىسىنا «Amanat» پارتياسىنىڭ جۇمىسى تۋرالى مالىمەت بەرىلدى. كەزدەسۋدە ازاماتتاردىڭ ءال-اۋقاتىن ارتتىرۋعا باعىتتالعان پرەزيدەنتتىڭ باستامالارىن ىسكە اسىرۋ شەڭبەرىندە ازىرلەنگەن پارتيانىڭ «اۋىل اماناتى», «جەر اماناتى», «قارىزسىز قوعام» جوبالارىنا ەرەكشە نازار اۋدارىلدى. بارلىق جوبا حالىقتىڭ ناقتى ماسەلەلەرىن شەشۋدى كوزدەيدى جانە ولاردى قوعام قىزۋ قولداپ وتىر. ماسەلەن, «جەر اماناتى» جوباسى اياسىندا ەكى جىل ىشىندە 10 ميلليون گەكتاردان استام جەر مەملەكەتكە قايتارىلدى. قاڭتار-اقپان ايلارىندا «قارىزسىز قوعام» جوباسى بويىنشا 15 مىڭ ادام قارجىلىق ساۋاتتىلىقتى ارتتىرۋ كۋرسىنان ءوتتى. جىل سوڭىنا دەيىن تاعى دا 750 مىڭ ازاماتتى وقىتۋ جوسپارلانىپ وتىر.
سونىمەن قاتار پرەزيدەنتكە دەپۋتاتتاردىڭ پارلامەنتتىك ديپلوماتيا باعىتىنداعى قىزمەتى تۋرالى اقپارات بەرىلدى.
