قاقتىعىس ايماعىنداعى جۋرناليستىك قىزمەت

اسكەري جۋرناليست قىزمەتىنىڭ ەرەكشەلىگى جانە داعدارىس جاع­دايىن­دا كوممۋنيكاتسيا جاساۋ ما­سەلەلەرى تۇسىندىرىلگەن ءىس-شا­رادا ساراپشىلار جۋرناليستەرگە اقپاراتتىق جانە قارسى ناسيحات جۇمىسىنىڭ تۇرلەرى, حالىققا اقپاراتتىق-پسيحولوگيالىق اسەر ەتۋ ادىستەرى, قوعامدىق-ساياسي جانە الەۋمەتتىك-ەكونوميكالىق سالالاردا داعدارىستىق جاعداي­لار تۋىنداعان كەزدە ارەكەت ەتۋ الگوريتمدەرى تۋرالى جەتكىزدى. اسكەري قاقتىعىس جاعدايىنداعى جۋرناليستەردىڭ جۇمىسىنا, تابي­عي جانە تەحنوگەندىك سيپاتتاعى توتەنشە جاعدايلار قاۋپى كەزىندە حالىقتى حاباردار ەتۋ تاسىلدەرىنە ەرەكشە نازار اۋدارىلدى.

ءدارىس كۋرسىنان كەيىن ادىستە­مەلىك ساباقتار ءوتتى. وندا تج رەجىمى, جاپپاي تارتىپسىزدىكتەر ورىن العاندا جانە تەرروريزمگە قارسى وپەراتسيا جۇرگىزىلەتىن ايماقتا جۋرناليست جۇمىسىنىڭ ەرەكشەلىكتەرى قارالدى. قورعانىس ءمينيسترىنىڭ ءباسپاسوز حاتشىسى, پودپولكوۆنيك رۋسلان جانگۋلين سەمينار اياسىندا اقپاراتتىق قاۋىپسىزدىك, سونداي-اق اقپاراتتىق قارسى كۇرەس ماسەلەلەرى ماڭىزدى ەكەنىن ايتتى.

– اسكەري قاقتىعىستار تۋىن­دا­عان كەزدە جۋرناليستەردى ساۋا­ت­تى ءىس-ارەكەتكە دايىنداۋ تۇر­عىسىنان بىزدە جاقسى تاجى­ريبە جيناقتالدى, – دەدى ول. – بىرنەشە جىل بويى ەكسترەمالدى جۋرناليستيكادان اسكەري ديسكۋرستار وتكىزىپ كەلەمىز. دالا­لىق جاعدايدا جۋرناليس­تەر بەتپە-بەت كەلۋى مۇمكىن ستسەنا­ريلەردى پىسىقتادىق. بۇ­گىن سەمينارعا قاتىسۋشىلار اسكە­ري قاقتىعىستار ايماعىندا جۇ­مىس ىستەۋ ەرەكشەلىكتەرىمەن تا­نىس­تى. بۇدان باسقا مەملە­كەت­تىك ورگاندار ءباسپاسوز قىز­مەتتەرىنىڭ وكىلدەرىنە داعدارىس جاعدايلارىندا ءىس-ارەكەتتى ۇيلەس­تىرۋ جونىندە ۇسىنىستار بەرىلدى.

قورعانىس ۆەدومستۆوسىنىڭ وكىلى وتاندىق جۋرناليستەردىڭ اسكەري سالادان جەتكىلىكتى دەڭ­گەيدە حاباردار بولۋى كەرەگىن اتاپ ءوتتى. بۇل تۇرعىدا بۇگىنگى تاڭدا اسكەري تاقىرىپقا ماماندانعان تىلشىلەردىڭ قۇزىرەتتىلىگىن ارتتىرۋ, قارۋلى كۇشتەردىڭ تىنىس-تىرشىلىگىن, جاۋىنگەرلىك قىزمەتىن نەعۇرلىم كاسىبي تۇردە جاريالاۋ ءۇشىن جاعداي جاساۋ ماقساتىندا ءتۇرلى ءىس-شارالار قولعا الىنىپ كەلەدى.

سەمينار سوڭىندا جۋرناليستەرمەن كەزدەسكەن قورعانىس ءمينيسترىنىڭ ورىنباسارى دارحان احمەديەۆ, مادەنيەت جانە اقپا­رات ۆيتسە-ءمينيسترى قانات ىسقاقوۆ قاتىسۋشىلارعا سەرتيفيكاتتار تابىس ەتتى. دارحان احمەديەۆ ەلىمىزدىڭ اقپاراتتىق دوكتريناسىن ىسكە اسىرۋ جونىندەگى ءىس-ارەكەت جوس­پارىنا سايكەس وتكىزىلگەن سەميناردا قارالعان ماسەلەلەردىڭ وزەكتىلىگىن اتادى. مادەنيەت جانە اقپارات ۆيتسە-ءمينيسترى بۇل ءىس-شارانىڭ نەگىزگى ماقساتى – ءباسپاسوز قىزمەتى, باق جانە بلوگەرلەر قاۋىمداستىعى وكىلدەرىنىڭ داعدارىس كەزىندە, توتەنشە جاعدايلار جانە اسكە­ري قاقتىعىس جاعدايىنداعى جۇمىسىنىڭ ەرەكشەلىكتەرى مەن ءىس-ارەكەتتەرى, ولار­دىڭ كاسىبيلىگى مەن جۇمىس ساپاسىن ارتتىرۋ, سونداي-اق حالىقتى ناقتى جانە ۋاقتىلى اقپاراتپەن قامتاماسىز ەتۋ ەكەنىن جەتكىزدى.