چەمپيونات دۇنيەجۇزىلىك FIRST باعدارلاماسى اياسىندا ءۇش جاس ساناتىندا ءوتتى: FLL Explore (6-10 جاس), FLL Challenge (10-16 جاس) جانە FIRST Tech Challenge (12-18 جاس). سايىسقا روبوتتار ويىنىنان باسقا يننوۆاتسيالىق جوبالار بايقاۋى مەن تورەشىلەر سەسسيالارى كىردى.
6-10 جاس ساناتىنىڭ قورىتىندىسى بويىنشا امەريكاندىق حيۋستونعا جولدامانى ەلوردالىق Quantum STEM School «IQRobots» كومانداسى جەڭىپ الدى. I ورىندى الماتى قالاسىنىڭ Leas مەكتەبىنىڭ «وچەن ۋمەلىە كاپيبارى» كومانداسى, II ورىندى ەكىباستۇز قالاسىنىڭ Robopark مەكتەبىنىڭ «Billion team» كومانداسى, III ورىندى پاۆلودار قالاسىنىڭ ساتۋرن مەكتەبىنىڭ «رەنەسسانس» كومانداسى يەلەندى.
10-16 جاس ارالىعىنداعى FLL Challenge ساناتىندا حيۋستونعا جولدامانى شىمكەنت قالاسىنان «Shym Side» كومانداسى جەڭىپ الدى. I ورىن استانا قالاسىنىڭ بيل-ءدىڭ «Stay Hydrated» كومانداسىنىڭ, II ورىن ورال قالاسىنىڭ 125 High School مەكتەبىنىڭ «Toro Doro» كومانداسىنىڭ, III ورىن سەمەي قالاسىنىڭ بيل-ءدىڭ «Ro Alemi» كومانداسىنىڭ قانجىعاسىنا بايلاندى.
12-18 جاس ارالىعىنداعى FIRSت Tech Challenge ساناتىندا حيۋستونعا جولدامانى ەكى الماتىلىق كوماندا جەڭىپ الدى: «Bolt.m3», رفمم جانە «Yaku» نزم فمب. ءدال وسى سانات بويىنشا لوندوندا وتەتىن جارىسقا الماتىلىق نزم فمب-دەن «جاماقاەۆ» توبى, الماتى قالاسى №124 مەكتەپتىڭ «124» توبى جانە الماتى قالاسىنىڭ «Alem» يننوۆاتسيالىق شىعارماشىلىق ورتالىعىنىڭ «PID» كوماندالارى ءوتتى.
سونىمەن قاتار حيۋستونعا «Dean's list» ۇزدىك وقۋشىلارىنىڭ دۇنيەجۇزىلىك رەيتينگىسىنە سايكەس استانا قالاسىنىڭ «Quant» كومانداسىنان ايشا المات جانە الماتى قالاسىنىڭ «124» كومانداسىنان توميريس وڭعاربەك ەسىمدى وقۋشىلار جەكە شاقىرتۋلار الدى. سونداي-اق بەتپە-بەت سۇحبات ناتيجەلەرى بويىنشا وتاندىق جانە شەتەلدىك جوعارى وقۋ ورىندارىندا وقۋ ءۇشىن 28 گرانت ءبولىندى. قاتىسۋشىلار Central Asia FIRST Championship ۇيىمداستىرۋشىلارى وقۋ-اعارتۋ مينيسترلىگى, USTEM Foundation, «دارىن» رەسپۋبليكالىق عىلىمي-پراكتيكالىق ورتالىعىنا ءدان ريزا بولىپ, العىستارىن ايتتى.
