فوتو: ratel.kz
ءىىم رەسمي وكىلى شىڭعىس الەكەشەۆتىڭ ايتۋىنشا, جەدەل-ىزدەستىرۋ ءىس-شارالارى بارىسىندا ىزدەۋدە جۇرگەن قىلمىسكەرلەر بىرنەشە وبلىستا ۇستالعان. اتاپ ايتساق, اباي وبلىسىندا ۇستالعان قىلمىسكەر 2018 جىلى الماتىدا توپ قۇرامىندا الدىن الا ءسوز بايلاسۋ ارقىلى ادام ولتىرگەن. ونىڭ ەكى سىبايلاسى بۇرىن ۇستالىپ, سوتتالعان.
تۇركىستان وبلىسىندا «جىبەك جولى» بەكەتىندە شەكارادان وتپەك بولعان وزبەكستان ازاماتى ۇستالدى. ول 2016 جىلى ءوزىنىڭ سىبايلاسىمەن بىرگە رەسەي فەدەراتسياسىنىڭ ماسكەۋ وبلىسىندا ءۇش ادامدى ولتىرگەن.
جامبىل وبلىسىندا كورشى مەملەكەتتىڭ قۇقىق قورعاۋ ورگاندارى پاتەردەن اسا ءىرى مولشەردە م ۇلىك ۇرلاعانى ءۇشىن ىزدەپ جاتقان تاعى ءبىر وزبەكستاندىق ۇستالدى.
قىزىلوردادا ادام ۇرلادى دەگەن كۇدىككە ىلىنگەن ەر ادام ۇستالدى. الدىن الا مالىمەتتەر بويىنشا, ول 1996 جىلى بىرنەشە اداممەن بىرگە ەكى ادامعا كۇش قولدانىپ, ولاردى كولىككە وتىرعىزىپ, بەلگىسىز باعىتتا الىپ كەتكەن. بۇل قىلمىسقا قاتىسى بار تاعى ءبىر قىلمىسكەر بۇعان دەيىن ۇستالعان بولاتىن.
شىمكەنتتە پوليتسەيلەر جەرگىلىكتى تۇرعىندى ۇستادى. ەر ادام تانىسىن ارزان باعادا جانارماي جەتكىزەمىن دەپ الداپ, ونىڭ اقشاسىن يەمدەنگەن. كەلتىرىلگەن شىعىن 18 ملن تەڭگەگە جۋىق.
الماتى وبلىسىندا شەتەل ازاماتىن ۇرىپ-سوعىپ, ونى پىشاقپەن جاراقاتتاعان ەكى ەر ادام ۇستالدى. بارلىق قىلمىسكەر ۋاقىتشا ۇستاۋ يزولياتورىنا قامالدى.
بۇدان بولەك, رەسپۋبليكانىڭ كريمينالدىق پوليتسيا قىزمەتكەرلەرى حابار-وشارسىز كەتكەن 53 ادامنىڭ ورنالاسقان جەرىن انىقتادى.
