«Digital Almaty: ح يندۋسترياسى جانە بولاشاقتىڭ تسيفرلىق ەۆوليۋتسياسى» فورۋمى اياسىندا وتكەن سەسسيادا الماتى قالاسى كاسىپكەرلەر پالاتاسىنىڭ توراعاسى نۇرسۇلتان شوقانوۆ عىلىمي يدەيالار مەن ازىرلەمەلەردى كوممەرتسيالاندىرۋ ەلىمىزدىڭ الەۋمەتتىك ەكونوميكالىق دامۋ كورسەتكىشتەرىنە وڭ ىقپال ەتەتىن ماڭىزدى تەتىك ەكەنىن اتاپ ءوتتى. ساراپشىنىڭ ايتۋىنشا, عىلىمي جوبالاردى كوممەرتسيالاندىرۋ بارىسى وڭايعا سوقپايدى. ناتيجەسى ەلىمىز ءۇشىن ستراتەگيالىق ماڭىزى زور بولعانىمەن, بۇل – ۇزاق ءارى كۇردەلى ءۇردىس. بۇگىندە ەل ەكونوميكاسى شيكىزاتتىق ەمەس باعىتتان ارىلىپ, وڭدەۋ باعىتىنداعى الەۋەتتى ارتتىرۋعا باسا ءمان بەرىپ وتىر. سوندىقتان مەملەكەتتىك ورگاندار, دامۋ ينستيتۋتتارى, عىلىمي ورتالىقتارمەن بىرلەسىپ, كرەاتيۆتى يندۋستريا, يننوۆاتسيالار سالاسىن دامىتۋعا كۇش سالۋى ماڭىزدى.
مەملەكەت باسشىسى وتكەن جىلى عىلىم جانە تەحنولوگيا جونىندەگى ۇلتتىق كەڭەستىڭ وتىرىسىندا ەكونوميكانىڭ وندىرىستىك سەكتورلارىنداعى عىلىمي-زەرتتەۋ جۇمىستارىنىڭ كولەمىن ۇلعايتۋ ءۇشىن بيزنەس پەن عىلىمي قوعامداستىق اراسىندا تىعىز ءوزارا ءىس-قيمىل ورناتۋ قاجەتتىگىن اتاپ وتكەن بولاتىن. وسى ورايدا «اتامەكەن» ۇكپ باسقارما توراعاسىنىڭ ورىنباسارى تيمۋر جاركەنوۆ «عىلىم مەن بيزنەس – يننوۆاتسيالىق الەۋەتتى دامىتۋدىڭ ەكى ماڭىزدى قۇرامداس بولىگى. وسى ەكى سەكتور اراسىنداعى ءتيىمدى ىنتىماقتاستىق قانا ەكونوميكالىق جانە الەۋمەتتىك ماسەلەلەردى شەشۋگە, جاڭا جۇمىس ورىندارىن قۇرۋعا جاردەمدەسەدى», دەپ اتاپ ءوتتى.
«QazInnovations» يننوۆاتسيالاردى دامىتۋ جونىندەگى ۇلتتىق اگەنتتىك» اق توراعاسى سانات احانوۆتىڭ ايتۋىنشا, ەلىمىزدە عىلىمي جوبالاردى قولداۋ قۇرالدارى جەتكىلىكتى, بىراق ورتالىقتاندىرىلعان جۇيە جوق. وسى ورايدا سپيكەر بىرقاتار ۇسىنىسىن العا تارتتى. «سالالار بويىنشا ازىرلەمەلەردى كلاستەرلەۋ, ياعني ءارتاراپتاندىرۋ قاجەت. بۇل جەردە جوبالاردىڭ جەتىلۋ بارىسىن قاراستىرۋ ماڭىزدى. ازىرلەمەلەر بويىنشا اعىمداعى چەك-ليستكە دە نازار اۋدارعان ءجون. بۇل ازىرلەمەلەر الەمدىك ترەندكە جاتا ما, جوق پا, وعان سۇرانىس بار ما, وتاندىق نارىقتىڭ سىيىمدىلىعى, الەمدىك نارىقتاعى ورنى قانداي ەكەنىن زەردەلەۋ ماڭىزدى. مۇنىمەن قوسا الەۋەتتى كليەنتتەردىڭ تىزبەسى جاسالۋى كەرەك. بۇل باعىتتا «اتامەكەن» ۇكپ قولداۋى ماڭىزدى. وسى كۇردەلى تىزبەكتى عىلىم سالاسى جۇيەلى تۇردە توپتاستىرىپ, ۇسىنىپ جاتسا, ءارى قاراي كاسىپكەرلىك باعىتتا جالعاستىرا الامىز. بۇل – ۇزدىكسىز جالعاسىن تابا بەرەتىن ءۇردىس», دەدى سپيكەر.
مەملەكەت باسشىسىنىڭ تاپسىرماسىمەن قازىرگى كەزدە «اتامەكەن» ۇلتتىق كاسىپكەرلەر پالاتاسى ينۆەستيتسيالىق جوبالار ءتىزىلىمىن ازىرلەپ جاتىر. «قازىرگى كەزدە ينۆەستيتسيالىق جوبالار تۋرالى دەرەكتەر اكىمدىكتەردە ەحسel كەستەسى تۇرىندە جينالادى. جۇيەلىلىك جوق. سوندىقتان ينۆەستيتسيالىق جوبا بىرنەشە جىل بويى ىسكە اسىرىلماي جاتادى, كاسىپكەر ۋاقىت جوعالتادى. ۇلتتىق پالاتا ينۆەستيتسيالىق جوبالاردىڭ بىرىڭعاي ءتىزىلىمىن جۇرگىزۋ مەحانيزمىن ۇسىنىپ وتىر. جوبانى قازىر قاناتقاقتى رەجىمدە ىسكە قوسىپ جاتىرمىز», دەدى «نارىقتى مونيتورينگىلەۋ جانە ساراپتاۋ ورتالىعى» جشس ديرەكتورى ايبەك ەرعوجاەۆ ايتتى.
«عىلىم قورى» اق باسقارما توراعاسى كاميل اقاتوۆ قور تاراپىنان اتقارىلىپ جاتقان جۇمىستار بارىسىنا توقتالسا, «Omir Group» كومپانياسىنىڭ نەگىزىن قالاۋشى جانە CEO, Schulich Startups ستارتاپتار ۇيىمىنىڭ مۇشەسى دىنمۇحامەد قوناەۆ كانادانىڭ ستارتاپتاردى قولداۋ تاجىريبەسىمەن ءبولىستى.
سەسسيادا سونىمەن قاتار مەگاپوليس ەكونوميكاسىن ترانسفورماتسيالاۋدىڭ درايۆەرى تۋريزم, ءوندىرىس, كرەاتيۆتى يندۋستريالار مەن ءىت سالاسىن دامىتۋدا وڭىرلىك پالاتا جەرگىلىكتى اتقارۋشى ورگاندار, جوعارى وقۋ ورىندارىمەن, دامۋ ينستيتۋتتارىمەن تىعىز بايلانىستى جۇمىس ىستەيتىن بولادى. «اتامەكەن» ۇكپ ءباسپاسوز قىزمەتىنىڭ دەرەگىنە سۇيەنسەك, بىلتىر قاراشا ايىندا الماتى كاسىپكەرلەر پالاتاسى مەن New Ventures (InDrive) ىنتىماقتاستىق تۋرالى مەموراندۋمعا قول قويعانى بەلگىلى. ىنتىماقتاستىق اياسىندا وڭتۇستىك استانا بيزنەسمەندەرى New Ventures-تەن 100 ميلليون دوللارعا دەيىنگى ينۆەستيتسيا الۋعا ۇمىتكەر بولا الادى. ال الماتى قالاسىنىڭ كاسىپكەرلەر پالاتاسىندا كرەاتيۆ يندۋستريالار مەن يننوۆاتسيالاردى دامىتۋ جونىندەگى كەڭەسپەن سالا ماماندارى, كاسىپكەرلەر, سونداي-اق بارلىق مۇددەلى تاراپ بىرلەسە جۇمىس ىستەۋ مۇمكىندىگى قاراستىرىلعان.
الماتى
