فوتو: turkistan-digest.kz
ونى ازىرلەۋگە ساقتاندىرۋ ساراپشىسى, «Freedom Insurance» سك» اق باسقارما توراعاسى ازامات كەرىمباەۆ باستاماشى بولعان. ناقتى مىسال كەلتىرسەك, الماتىدا 13 اقپان كۇنى ءۇش اۆتوبۋس پەن ءبىر جەڭىل كولىك سوقتىعىسىپ, ءىرى جول-كولىك اپاتىنان 17 ادام زارداپ شەكتى. سالدارىنان قالاداعى «Index Dtp.kz» جول-كولىك اپاتىنىڭ كورسەتكىشىن ارتتىرىپ, باسقا دا جازاتايىم وقيعالارمەن بىرگە كورسەتكىشتى 9 باللعا دەيىن كوتەردى. وسى دەڭگەي التى ساعات بويى ساقتالىپ تۇردى. كورسەتكىش تۇنگى ساعات 23:00-دەن كەيىن عانا تومەندەدى.
ال ونىڭ الدىندا 8 اقپان كۇنى استانادا قارلى بوران مەن كوكتايعاق سالدارىنان 250-دەن اسا جول-كولىك وقيعاسى تىركەلگەن. قوسىمشا 1-7 اقپان ارالىعىندا ەلورداداعى جازاتايىم وقيعالاردىڭ يندەكسىن 10 بالل دەپ كورسەتىپ تۇرعان ەدى. ال اقپان ايىنىڭ باسىنان بەرى «Index Dtp.kz» ورتاشا يندەكسى الماتىدا 7,8 بالل دەڭگەيىندە بولدى. استانادا اقپان ايىنداعى العاشقى ەكى اپتادا اپاتتىڭ ورتاشا كورسەتكىشى 8,8 بالدى قۇرادى. ەلىمىزدىڭ ءۇشىنشى ءىرى مەگاپوليسى شىمكەنتتە اقپان ايىنداعى جول اپاتىنىڭ ورتاشا كورسەتكىشى – 4,2 بالل.
ازامات كەرىمباەۆتىڭ ايتۋىنشا, يندەكس ەلدەگى 40 قالادا باقىلانىپ, 1-دەن 10 ۇپايعا دەيىن كورسەتەدى. بۇل سان نەعۇرلىم جوعارى بولسا, بەلگىلى ءبىر قالادا جول-كولىك وقيعاسىنىڭ تىركەلۋ ىقتيمالدىعى سوعۇرلىم جوعارى. اۋا رايى دەرەكتەرى دە ءاربىر يندەكس كورسەتكىشىنىڭ جانىندا بەرىلەدى. يندەكس جاڭبىر, جەل جىلدامدىعى, جاۋىن-شاشىن ءتۇرى سەكىلدى تابيعي كريتەريلەردى دە ەسكەرەدى. سونداي-اق قازىرگى تاڭدا قالادا بولىپ جاتقان اپاتتار سانى دا ەسەپكە الىنعان.
«قوسىمشانىڭ كومەگىمەن كولىك يەلەرى ەلدىڭ باسقا قالالارىنا ساپارلاعاندا باعىت-باعدارىن جوسپارلاي الادى. «Dtp.kz» يندەكسى ەلىمىزدەگى جازاتايىم وقيعالاردىڭ جالپى كورىنىسىن تۇسىنۋگە جانە باقىلاۋعا كومەكتەسەدى. ول جىلدىڭ, تاۋلىكتىڭ بەلگىلى ءبىر ۋاقىتىندا وقىس وقيعالارعا اسەر ەتەتىن فاكتورلاردى انىقتاۋعا, ولاردىڭ سانىن قالاي ازايتۋعا بولاتىنىن جانە جازاتايىم وقيعا كەزىندە ادامدار مەن م ۇلىككە كەلتىرىلگەن شىعىننىڭ سالماعىن ساراپتاۋعا سەپتەسەدى. جول-كولىك وقيعاسى دەڭگەيىنىڭ يندەكسى قاۋىپسىز جۇرگىزۋ ەرەجەلەرىن ۇستاناتىن قاراپايىم كولىك يەلەرىن دە قىزىقتىرۋى مۇمكىن. يندەكس ولارعا ءوز باعىتتارىن ناقتىراق قۇرىپ, جوسپارلاۋعا كومەكتەسەدى», دەيدى قوسىمشانى جاساۋشى.
باس پروكۋراتۋرانىڭ مالىمەتىنشە, وتكەن جىلى ەلدە 14 867 جول-كولىك وقيعاسى تىركەلگەن. ەڭ كوپ وقيعا الماتىدا تىركەلگەن, سانى – 3 685. بۇل كورسەتكىش استاناداعى اپاتتاردان 5 ەسە جوعارى (745 وقيعا). ال ىشكى ىستەر ءمينيسترىنىڭ ءبىرىنشى ورىنباسارى مارات قوجاەۆتىڭ ايتۋىنشا, ەلدەگى جول-كولىك وقيعالارىنىڭ نەگىزگى سەبەپتەرىنىڭ ءبىرى – جول مەن ينفراقۇرىلىمنىڭ جاعدايى. ستاتيستيكالىق مالىمەتتەرگە سۇيەنسەك, بارلىق جول-كولىك وقيعاسىنىڭ 73 پايىزى ەلدى مەكەندەردە تىركەلەدى. جول اپاتىنىڭ ەكىنشى سەبەبى – كولىك يەلەرىنىڭ ەرەجە ساقتاماۋى. 2023 جىلدىڭ باسىنان بەرى پوليتسيا قىزمەتكەرلەرى جول ەرەجەسىن بۇزعان 8,2 ميلليوننان استام ادامدى ۇستاعان.
اۋا رايى جاعدايى دا جولداعى اپاتتاردىڭ ءبىر سەبەبى. كۇزدەن كوكتەمگە دەيىن اۋا رايىنىڭ قولايسىزدىعى جولداردا, اسىرەسە قالاارالىق باعىتتاردا ءجۇرۋدى قيىنداتادى. سوندىقتان جولداعى قاۋىپسىزدىك دەڭگەيىن باعالاپ الىپ ساپارعا شىققان دۇرىس. بۇل تۇرعىدا جۇرگىزۋشىلەرگە «Index Dtp.kz» قوسىمشاسى كومەككە كەلەدى.
