فوتو: arbatmedia.kz
«قىزمەتكەرلەردىڭ زاڭسىز ەرەۋىلگە شىعۋىنا بايلانىستى كومپانيا كۇن سايىن ميلليونداعان قارجىعا شىعىنعا باتىپ جاتىر. بۇل سومما بۇگىنگى تاڭدا 1 ميلليارد تەڭگەدەن استى. وسىعان دەيىن حابارلانعانداي, جۇمىس ورىندارىنا ورالعىسى كەلمەيتىن قىزمەتكەرلەردى سوتتىڭ شەشىمىمەن جۇمىستان بوساتۋىنا كومپانيانىڭ تولىق قۇقى بار. جۇمىسقا شىقپاعانداردىڭ باسىم بولىگى مۇنى ءوز قالاۋىنسىز, دەسترۋكتيۆتى ەلەمەنتتەردىڭ قىسىمىمەن جاساپ جاتقاندارىن جاقسى بىلەمىز», دەلىنگەن مالىمدەمەدە.
بۇل رەتتە كومپانيا جۇمىسقا قايتا ورالعانداردىڭ بارلىعىنا العىسىن ءبىلدىردى.
«ال ىشكى تۇيسىگىنە سەنىپ, جۇمىسقا ورالعان ازاماتتارعا ريزاشىلىعىمىزدى بىلدىرەمىز. (ولاردىڭ سانى 120). ءبىز كومپانيامىزدىڭ قارجىلىق تۇراقتىلىعىن نىعايتىپ, سىزدەردىڭ ەڭبەك جاعدايلارىڭىزدى جاقسارتىپ, ەڭبەكاقىلارىڭىزدى تۇراقتى جانە ۋاقىتىلى الۋلارىڭىز ءۇشىن بار كۇشىمىزدى سالامىز دەپ سەندىرگىمىز كەلەدى», دەپ حابارلادى كومپانيا.
قازىرگى تاڭدا كاسىپورىننىڭ جابدىقتارىن جانە تەحنيكاسىن جاڭارتۋ پروتسەسى ءجۇرىپ جاتىر.
ء«وز مىندەتتەرىن ورىنداۋ ءۇشىن جۇمىسقا ورالعان قىزمەتكەرلەرىمىز كومپانيانىڭ قازىرگى جاعدايىن تۇزەتۋگە زور ۇلەستەرىن قوسىپ جاتىر. قالعان ازاماتتاردى دا قاتارعا قوسىلىپ, بىرنەشە جىل ەڭبەك ەتكەن ۇجىمىنا, ءوز جۇمىستارىنا ورالۋعا شاقىرامىز. ءبىز زاڭ اياسىندا قازىرگى جاعدايدان بىرگە شىعۋدىڭ جولىن قاراستىرۋىمىز كەرەك. سونداي-اق بۇگىنگى تاڭدا جاڭا قىزمەتكەرلەردى جۇمىسقا قابىلداۋعا ىشكى دايىندىق جۇمىستارىنىڭ باستالعانىن حابارلايمىز. دۇرىس تاڭداۋ جاسايتىندارىڭىزعا سەنەمىز جانە زاڭسىز ارەكەتتەر جاساعاندار ءۇشىن جاۋاپكەرشىلىكتىڭ بار ەكەنىن ەسكەرتەمىز», دەپ جازىلعان مالىمدەمەدە.
