ء«بىز 2022 جىلعى قىركۇيەكتە قحر توراعاسى سي ءتسزينپيننىڭ قازاقستانعا ساپارى بارىسىندا ەلدەرىمىزدىڭ باسشىلارى باستاعان ىنتىماقتاستىعىمىزدىڭ جاڭا «التىن 30 جىلدىعىندا» ماڭگىلىك جان-جاقتى ستراتەگيالىق ارىپتەستىگىمىزدى ودان ءارى نىعايتۋعا مۇددەلىمىز», دەدى ءماجىلىس سپيكەرى. ول سونداي-اق ەكى ەل اراسىنداعى پارلامەنتارالىق جانە پارتياارالىق ىنتىماقتاستىقتى نىعايتۋ ماسەلەسىنە ءمان بەردى.
ءوز كەزەگىندە توتەنشە جانە وكىلەتتى ەلشى چجان سياو قازاقستان مەن قىتاي اراسىنداعى ديپلوماتيالىق قارىم-قاتىناس ورناعانىنا 32 جىل تولعانىن جانە قازىرگى ۋاقىتتىڭ وسى جىلدار ىشىندەگى جارقىن كەزەڭدەردىڭ ءبىرى ەكەنىن ايتتى. سونىمەن قاتار قازاقستانداعى ساياسي جانە ەكونوميكالىق رەفورمالارعا نازار اۋداردى.
ء«بىز پرەزيدەنت قاسىم-جومارت توقاەۆتىڭ اۋقىمدى ەكونوميكالىق رەفورمالار جۇرگىزۋ جونىندەگى باستامالارىن تولىق قولدايمىز. بارلىق سالاداعى ءوزارا ءتيىمدى ەكىجاقتى ىنتىماقتاستىعىمىزدى تەرەڭدەتۋ جانە دامىتۋ دا وسى ماقساتتارعا قول جەتكىزۋگە ىقپال ەتەدى دەپ ويلايمىن», دەدى ەلشى.
تاراپتار ەكونوميكالىق, ساۋدا, گۋمانيتارلىق بايلانىستاردى نىعايتۋ جانە الداعى قازاقستاننىڭ قىتايداعى تۋريزم جىلىن وتكىزۋ ماسەلەلەرىن تالقىلادى.
