ونىڭ پايىمىنشا, قازاق ءداستۇرىنىڭ ءوزى دىنمەن ساباقتاسىپ جاتىر. ەكسترەميزمنىڭ الدىن الۋ ءۇشىن ۇلتتىق سالت-ءداستۇردى, دۇرىس شاريعاتتى دارىپتەۋ قاجەت.
- ءداستۇر دەگەنىمىز – ەلىمىزدە قالىپتاسقان ءدىني تاجىريبەلەر تىزبەگى جانە ءبىزدىڭ ءومىر ءسۇرۋ سالتىمىز. بۇگىندە قازاقتىڭ ءداستۇرىن جوققا شىعارىپ, ەل ىشىنە ىلاڭ سالىپ جۇرگەندەر جوق ەمەس. "قازاق ءدىنسىز بولعان" دەگەن سىندى شالا تۇسىنىكتەگىلەر ەلىمىزدى يسلام دىنىنە ەندى ءتاي-ءتاي باسقان بالاداي كورسەتكىسى كەلدى, – دەدى باس ءمۇفتي.
ونىڭ ايتۋىنشا, الايدا جات اعىمنىڭ جەتەگىندە كەتكەندەر ءدىن مەن ءداستۇردى ءبىر-بىرىنە قارسى قويۋ ارقىلى ەل ءىشىن اراز ەتىپ وتىر.
- ولار بۇل الەمدى ءوز قالاۋىنا قاراي وزگەرتۋگە تىرىسادى, ءداستۇرلى قۇندىلىقتاردى تولىعىمەن جويىپ جىبەرگىسى كەلەدى. راديكاليزم مەن ەكسترەميزمگە جەتەلەيدى. وسى رەتتە ايتا كەتۋ كەرەك, دەسترۋكتيۆتى اعىمدار تەك يسلام ءدىنىن جامىلىپ, ءوز نيەتتەرىن جۇزەگە اسىرمايدى, جات اعىمنىڭ پروتەستانتتىق جانە شىعىستىق تۇرلەرى دە بار. ەڭ قىزىعى جات اعىمداردىڭ قاراجات تابۋ, بيلىككە بارۋ, ءوز يدەولوگياسىن تاراتۋ سىندى كوزدەگەن ماقساتى بولادى, – دەدى ناۋرىزباي قاجى تاعان ۇلى.
