جۇلدە قورى 100 ملن تەڭگەنى قۇراعان دوپ دوداسىنىڭ باس جۇلدەسىن ەل چەمپيونى شىمكەنتتىڭ «ورداباسى» مەن ەل كۋبوگىنىڭ يەگەرى قوستانايدىڭ «توبىلى» ءوزارا ساراپقا سالدى. بىردەن ايتا كەتەيىك, بۇل كورەرمەندەر كوڭىلىنەن شىعاتىنداي اسا ءبىر قىزىقتى باسەكە بولعان جوق. ماتچتىڭ باسىنان اياعىنا دەيىن الما-كەزەك شابۋىلدار ۇيىمداستىرىلعانىمەن, الدىڭعى شەپ قارسى جاقتىڭ ايىپ الاڭىنا كەلگەندە قاتەلىككە بوي الدىرىپ, كوزدەگەن ماقساتىنا جەتە المادى. بەلگىلەنگەن ۋاقىت اياقتالعاننان كەيىن 11 مەترلىك نۇكتەدەن دوپ تەبۋگە تۋرا كەلدى. مەرگەندەردىڭ سايىسىندا «ورداباسىنىڭ» اسىعى الشىسىنان ءتۇسىپ, ولار باس جۇلدەمەن قاتار, 60 ملن تەڭگەلىك سىياقىعا يە بولدى. فينالدا ۇتىلعان «توبىلدىڭ» ويىنشىلارىنا 40 ملن تەڭگە تابىس ەتىلدى.
ءبىرىنشى ليگادا توپ جارعان سەمەيدىڭ «ەلىمايى» مەن پرەمەر-ليگانىڭ قولا جۇلدەگەرى «اقتوبە» اراسىنداعى ماتچتا قوس كلۋب ءبىر-ءبىرىنىڭ قاقپاسىنا ەكى-ەكى گولدان سوعىپ, تەڭ تاراستى – 2:2. سودان قولا جۇلدەگەر «فۋتبول لوتەرەياسى» ارقىلى انىقتالدى. بۇل تارتىستا جايىق جاعالاۋىنان كەلگەن جىگىتتەردىڭ جولى بولدى – 3:2.
