فوتو: Polisia.kz
ونىڭ ايتۋىنشا, كولىكتەگى پد قىزمەتكەرلەرى تەمىرجول توسەمىندە جاراقات الۋ مەن جازاتايىم وقيعالاردىڭ الدىن الۋ ماقساتىندا تۇرعىندارمەن جانە وقۋ ورىندارىنىڭ وقۋشىلارىمەن تۇراقتى نەگىزدە كەزدەسۋلەر وتكىزىپ تۇرادى. قابىلدانىپ جاتقان شارالاردىڭ ناتيجەسىندە وسى كەزەڭدە دەپارتامەنتتە جىلجىمالى قۇرامنىڭ بالالاردى قاعىپ كەتۋدىڭ بىردە-ءبىر فاكتىسى تىركەلمەگەن. ايتسە دە, كەيبىر ازاماتتار تەمىرجول كولىگى وبەكتىلەرىندەگى قاۋىپسىزدىك ەرەجەلەرىن بۇزۋدى جالعاستىرىپ ءجۇر, ال ونىڭ سوڭى اۋىر زارداپتارعا اكەپ سوعادى.
«بيىل جىل باسىنان بەرى تەمىرجول كولىگىندەگى قاۋىپسىزدىك ەرەجەلەرىن بۇزۋدىڭ, ياعني ازاماتتاردىڭ بەلگىلەنبەگەن جەرلەردەن تەمىرجولدى كەسىپ ءوتۋدىڭ 6179 فاكتىسى انىقتالدى. سونداي-اق تەمىرجولدا ادامداردىڭ, ءۇي جانۋارلارىنىڭ بولۋىنا جانە بوگدە زاتتاردى قويۋعا بايلانىستى پوەزداردا شۇعىل تەجەۋدى قولدانۋدىڭ 280-نەن استام فاكتىسى تىركەلدى. تەمىرجولداعى قاۋىپسىزدىك تاقىرىبى وتە وزەكتى ماسەلە. ازاماتتار كوبىنەسە, اسپالى كوپىرلەردەن وتپەي, جولدى قىسقارىپ, ۋاقىتتى ۇنەمدەگىسى كەلەدى. مۇنىڭ سوڭى تەمىرجول جاراقاتىن الۋعا نەمەسە ادام ءولىمى جاعدايلارىنا اكەپ سوعادى. سوندىقتان ءبىر مينۋتتى ۇنەمدەيمىن دەپ ءومىرىڭىزدى قىسقارتىپ الماڭىز. ەڭ باستىسى, قاراپايىم ەرەجەلەردى ەستە ساقتاعان ءجون: «تەمىرجول جاياۋ جۇرگىنشىلەرگە ارنالعان جول ەمەس!», «تەمىرجول – اسا قاۋىپتى ايماق!», دەدى م. ايتۋعانوۆ.
